ଦିଲ୍ଲୀରେ ‘ପାକିସ୍ତାନ ଜିନ୍ଦାବାଦ’ ସ୍ଲୋଗାନ, ତିନି ଜଣ ଯୁବତୀଙ୍କ ସମେତ ୬ ଗିରଫ

ନୂଆଦିଲ୍ଲୀ : ଦେଶର ରାଜଧାନୀ ଦିଲ୍ଲୀରେ ଗଣତନ୍ତ୍ର ଦିବସ ପୂର୍ବରୁ ପାକିସ୍ତାନ ଜିନ୍ଦବାଦର ସ୍ଲୋଗାନ ଶିଣୁବାକୁ ମିଳିଛି। ଦିଲ୍ଲୀର ଖାନ ମାର୍କେଟ ମେଟ୍ରୋ ଷ୍ଟେସନ ବାହାରେ ପାକିସ୍ତାନ ଜିନ୍ଦାବାଦର ସ୍ଲୋଗାନ ସ୍ଥାନୀୟ ଅଞ୍ଚଳକୁ ଉତ୍ତେଜିତ କରିଥିଲା। ସୂଚନା ପାଇବା ମାତ୍ରେ ପୁଲିସ ମଧ୍ୟ ସତର୍କ ହୋଇ ତଦନ୍ତ ଆରମ୍ଭ କରିଥିଲା।

ପ୍ରାରମ୍ଭିକ ସୂଚନା ଅନୁଯାୟୀ ଯେ, ଶନିବାର ବିଳମ୍ବିତ ରାତିରେ ଏହି ସ୍ଲୋଗାନ ଶୁଣିବାକୁ ମିଳିଥିଲା। ତଦନ୍ତ ପରେ ପୁଲିସ ସ୍ଲୋଗାନ ଦେବା ଅଭିଯୋଗରେ ତିନିଜଣ ଯୁବକ ଏବଂ ତିନି ଜଣ ଯୁବତୀଙ୍କୁ ଅଟକ ରଖି ପଚରାଉଚରା କରିଥିଲା।

ନ୍ୟୁଜ୍ ଏଜେନ୍ସି, ଏଏନ୍‌ଆଇ ଅନୁଯାୟୀ, ପିଏସ୍‌ ଟୁଗଲକ୍ ରୋଡରେ ରାତି ପ୍ରାୟ ୧ଟାରେ ପିସିଆର୍‌କୁ ସୂଚନା ମିଳିଥିଲା ଯେ ଖାନ୍ ବଜାର ମେଟ୍ରୋ ଷ୍ଟେସନ ନିକଟରେ ପାକିସ୍ତାନ ଜିନ୍ଦବାଦ ବୋଲି କିଛି ଲୋକ ସ୍ଲୋଗାନ ଦେଉଥିଲେ। ସୂଚନା ପାଇବା ମାତ୍ରେ ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲା। କିଛି ଯୁବକ ଓ ଯୁବତୀ ଇଣ୍ଡିଆ ଗେଟ୍ ସାମ୍ନାରେ ବାଇକରେ ବୁଲୁଥିଲେ। ସେମାନେ ପରସ୍ପରକୁ ଭାରତ ଓ ପାକିସ୍ତାନ ନାମରେ ନାମିତ କରି ପାକିସ୍ତାନ ଜିନ୍ଦବାଦର ସ୍ଲୋଗାନ ଦେଇଥିଲେ। ଦିଲ୍ଲୀ ପୁଲିସ ସେମାନଙ୍କୁ ଥାନାକୁ ଉଠାଇ ନେଇଥିଲା। ପାକିସ୍ତାନ ସହ ସେମାନଙ୍କର କୌଣସି ସମ୍ପର୍କ ନାହିଁ ଏବଂ ଜାଣିଶୁଣି ପାକିସ୍ତାନକୁ ସମର୍ଥନ କରି କୌଣସି ସ୍ଲୋଗାନ ଦେଇ ନାହାଁନ୍ତି ବୋଲି ପଚରାଉଚରା ବେଳେ ଦିଲ୍ଲୀ ପୁଲିସ ଅଧିକାରୀଙ୍କୁ ଏହି ସୂଚନା ପାଇଛନ୍ତି।

Comments
Loading...