ସୁଧୁରୁନି ପାକିସ୍ତାନ, ପୁଣି ରହିଲା ଧୂସର ତାଲିକାରେ

ଆତଙ୍କବାଦ କାର୍ଯ୍ୟକଳାପ ପାଇଁ ଅର୍ଥ ଯୋଗାଉଥିବା ଦେଶଗୁଡିକ ଉପରେ ପଦକ୍ଷେପ ନେବା ପାଇଁ ଗଠିତ ସଂଗଠନ ଆର୍ଥିକ ଆକ୍ସନ୍ ଟାସ୍କ ଫୋର୍ସ ପୁଣି ପାକିସ୍ତାନକୁ ଧୂସର ତାଲିକାରେ ସ୍ଥାନିତ କରିଛି। ପାଞ୍ଚ ଦିନିଆ ବୈଠକ ପରେ ସଂଗଠନ ପକ୍ଷରୁ ଆଜି ଏହି ଘୋଷଣା କରାଯାଇଛି। ଫଳରେ ପାକିସ୍ତାନ ଉପରେ ଆଭ୍ୟନ୍ତରୀଣ କାର୍ଯ୍ୟକଳାପ ଉପରେ ଅଧିକ ନଜର ରଖାଯିବ। ଏହି ଆକ୍ସନ୍ ଟାସ୍କ ଫୋର୍ସର ଅଧ୍ୟକ୍ଷ ଡଃ ମାର୍କସ ପ୍ଲେୟାର କହିଛନ୍ତି, ପାକିସ୍ତାନ ତାର ପୂର୍ବ କାର୍ଯ୍ୟକଳାପରେ ଉଲ୍ଲେଖନୀୟ ଅଗ୍ରଗତି କରିଛି ଏବଂ ୨୭ଟି ପଦକ୍ଷେପ ମଧ୍ୟରୁ ୨୬ଟିର ସମାଧାନ କରିଛି।

୨୦୧୯ରେ ଏହି ସଂସ୍ଥା ପାକିସ୍ତାନର ଆତଙ୍କବାଦୀ ସଂଗଠନଗୁଡିକୁ ଆର୍ଥିକ ସହାୟତା ନେଇ ଚିହ୍ନଟ କରିଥିଲା, ଯାହା ଅନୁଯାୟୀ ପାକିସ୍ତାନକୁ ଧୂସର ତାଲିକାଭୁକ୍ତ କରାଯାଇଛି। ଶ୍ରୀ ପ୍ଲେୟାର କହିଛନ୍ତି ଯେ ଧୂସର ତାଲିକାରୁ ବାହାରିବା ପାଇଁ ଦେଶଗୁଡିକ ଆବଶ୍ୟକ ପଦକ୍ଷେପ ନେବା ସହ ଲକ୍ଷ୍ୟ ପୂରଣ କରିବା ଆବଶ୍ୟକ।

କିଛି ଦିନ ପୂର୍ବରୁ ପାକିସ୍ତାନର ବୈଦେଶିକ ମନ୍ତ୍ରୀ ଶାହା ମହମୁଦ କୁରେଶି କହିଛନ୍ତି ଯେ ଦେଶର ସାମ୍ପ୍ରତିକ ଅଗ୍ରଗତିକୁ ଦୃଷ୍ଟିରେ ରଖି ଦେଶକୁ ଧୂସର ତାଲିକାରେ ରଖିବା ପାଇଁ ଆର୍ଥିକ ଆକ୍ସନ୍ ଟାସ୍କ ଫୋର୍ସ ନିଷ୍ପତ୍ତିର କୌଣସି ଯଥାର୍ଥତା ନାହିଁ।

Comments
Loading...