ପାକିସ୍ତାନ ରାଜନୀତି: ଶାହାବାଜ ସରିଫ ହେଲେ ପ୍ରଧାନମନ୍ତ୍ରୀ ପ୍ରାର୍ଥୀ

ଇସଲାମାବାଦ: ପାକିସ୍ତାନରେ ଲାଗି ରହିଥିବା କ୍ଷମତା ସଂକଟ ଭିତରେ ବିରୋଧୀଦଳଗୁଡ଼ିକ ପକ୍ଷରୁ ଶାହାବାଜ ସରିଫଙ୍କୁ ପ୍ରଧାନମନ୍ତ୍ରୀ ପ୍ରାର୍ଥୀ ଭାବେ ଘୋଷଣା କରାଯାଇଛି। ପିଏମଏଲ-ଏନ ସାଂସଦ ଶାହାବାଜ ପ୍ରଧାନମନ୍ତ୍ରୀ ଭାବେ ମନୋନୀତ ହୋଇଛନ୍ତି। ଏହି ଘୋଷଣା ହେବା ପରେ ଶାହବାଜ ସରିଫ ଟ୍ୱିଟ କରି ସମସ୍ତ ବିରୋଧୀ ଦଳ ଓ ନିଜ ଭାଇ ନୱାଜ ଶରିଫଙ୍କୁ ଧନ୍ୟବାଦ ଜଣାଇଛନ୍ତି।
ଅପରପକ୍ଷରେ ସୁପ୍ରିମ କୋର୍ଟଙ୍କ ଦ୍ୱାରା ୪୮ ଘଣ୍ଟା ମଧ୍ୟରେ ପ୍ରଧାନମନ୍ତ୍ରୀ ପ୍ରାର୍ଥୀ ଭାବେ ତାଙ୍କୁ ନାମାଙ୍କନ ଦାଖଲ କରିବାକୁ ନିର୍ଦେଶ ଦିଆଯାଇଛି। ସୁପ୍ରିମକୋର୍ଟଙ୍କ ନିର୍ଦେଶ ଅନୁଯାୟୀ ପ୍ରଧାନମନ୍ତ୍ରୀ ପ୍ରାର୍ଥୀ ଭାବେ ଶାହବାଜ ସରିଫ ଆସନ୍ତା କାଲି ଶାହବାଜ ନାମାଙ୍କନ ଦାଖଲ କରିବେ ବୋଲି ସୂଚନା ମିଳିଛି। ଏହାପରେ ପାକିସ୍ତାନର ନୂଆ ପ୍ରଧାନମନ୍ତ୍ରୀ ମନୋନୟନ ପାଇଁ ନ୍ୟାସନାଲ ଆସେମ୍ବଲିରେ ଏକ ବୈଠକ ଅନୁଷ୍ଠିତ ହେବ ।

ଅପରପକ୍ଷରେ ଅବିଶ୍ୱାସ ପ୍ରସ୍ତାବ ଉପରେ ହୋଇଥିବା ଭୋଟିଂରେ ପ୍ରଧାନମନ୍ତ୍ରୀ ଥିବା ଇମ୍ରାନ ଖାନ ହାରିବା ପରେ ଏବେ ତାଙ୍କ ଉପରେ କଟକଣା ଜାରି କରାଯାଇଛି। ତାଙ୍କୁ ପାକିସ୍ତାନ ଛାଡି ବାହାର ଦେଶକୁ ଯିବା ଉପରେ ରୋକ ଲଗାଯାଇଛି। ଇସଲାମବାଦ ହାଇକୋର୍ଟରେ ଇମ୍ରାନ ଖାନଙ୍କ ବିରୋଧରେ ଅଭିଯୋଗ କରାଯାଇଛି । ଇମ୍ରାନଙ୍କ ବ୍ୟତୀତ ଫବାଦ ଚୌଧୁରୀ, ଶାହା ମହମୁଦଙ୍କ ବିରୋଧରେ ବି ଅଭିଯୋଗ ଦାଖଲ ହୋଇଛି। ଗତକାଲି ରାତିରେ ପ୍ରଧାନମନ୍ତ୍ରୀ ପଦରୁ ବିଦା ହେବା ପରେ ଇମ୍ରାନଙ୍କ ନିକଟତମ ଲୋକଙ୍କ ଉପରେ କାର୍ୟ୍ୟାନୁଷ୍ଠାନ ଆରମ୍ଭ ହୋଇଛି।

Comments are closed.