ଶ୍ରୀଲଙ୍କାର ପୁନର୍ବାସ କେନ୍ଦ୍ରରୁ ୬୦୦ରୁ ଅଧିକ ଅନ୍ତେବାସୀଙ୍କ ପଳାୟନ

ଡେସ୍କ: ଦୁଇ ଜଣ କଏଦୀ ଗୋଷ୍ଠୀ ମଧ୍ୟରେ ଝଗଡା ହେବା ପରେ ବୁଧବାର ଦିନ ଶ୍ରୀଲଙ୍କାର ପୋଲୋନାରୁୱାସ୍ଥିତ ଏକ ଥଇଥାନ କେନ୍ଦ୍ରରୁ ୬୦୦ରୁ ଅଧିକ ଅନ୍ତେବାସୀ ପଳାୟନ କରିଥିବା ଖବର ମିଳିଛି। ପୁଲିସ ମୁଖପାତ୍ର ନିହାନ ଥାଲଡୁଆ କହିଛନ୍ତି ଯେ ପରିସ୍ଥିତିକୁ ନିୟନ୍ତ୍ରଣକୁ ଆଣିବା ପାଇଁ ସେନା ଏବଂ ଅତିରିକ୍ତ ପୁଲିସ ଫୋର୍ସକୁ କାନ୍ଦାକୁଡୁ ପୁନର୍ବାସ କେନ୍ଦ୍ରରେ ନିୟୋଜିତ କରାଯାଇଛି। ସେ ଆହୁରି ମଧ୍ୟ କହିଛନ୍ତି ଯେ ପଳାତକ ଅନ୍ତେବାସୀଙ୍କୁ ଠାବ କରିବା ପାଇଁ ଏକ ଯୋଜନା ଆରମ୍ଭ କରାଯାଇଛି।

ସେହି ଜେଲରେ ପ୍ରାୟ ୧ ହଜାର ବନ୍ଦୀ ଥିଲେ। ପୁଲିସ କହିଛି ଯେ ଏହି ଘଟଣା ପରେ ଅବଶିଷ୍ଟ ବନ୍ଦୀମାନେ ସେନା ଏବଂ ପୁଲିସକୁ ଭିତରକୁ ପ୍ରବେଶ କରିବାକୁ ଦେଇନଥିଲେ। ତେବେ ପୁଲିସ ପରିସ୍ଥିତିକୁ ନିୟନ୍ତ୍ରଣକୁ ନେଇଥିବା ଜଣାପଡିଛି। ଘଟଣାସ୍ଥଳରେ ପୁଲିସ ମୁତୟନ କରାଯାଇଛି ଏବଂ ଥଇଥାନ କେନ୍ଦ୍ରର ଚାରିପାଖରେ କର୍ଡନ କରାଯାଇଛି।

Comments are closed.