ସର୍ବପୁରାତନ ଝଡ଼େଶ୍ୱରପୁର ଉଚ୍ଚ ବିଦ୍ୟାଳୟରେ ବନ ମାହୋତ୍ସବ
ମାହାଙ୍ଗା : ମାହାଙ୍ଗା ବ୍ଲକ ଅଂଚଳର ସର୍ବପୁରାତନ ଝଡ଼େଶ୍ୱରପୁର ଉଚ୍ଚ ବିଦ୍ୟାଳୟ ପରିସରରେ ଜାତୀୟ ବନ ମହୋତ୍ସବ ପାଳନ ସପ୍ତାହ ଅବସରରେ ବିଦ୍ୟାଳୟ ପରିସରରେ ବୃକ୍ଷ ରୋପଣ କରାଯାଇଛି । ଏଥିରେ ଝଡ଼େଶ୍ୱରପୁର ସରପଞ୍ଚଙ୍କ ପ୍ରତିନିଧି ବିପିନ ବିହାରୀ ସ୍ୱାଇଁ ମୁଖ୍ୟ ଅତିଥି ଭାବେ ଯୋଗ ଦେଇ ବନ ମହୋତ୍ସବ ପାଳନ ମୁଖ୍ୟ ଲକ୍ଷ ଉପରେ ପରାମର୍ଶ ଦେବାସହ ବିଦ୍ୟାଳୟ ପରିସରରେ ଆମ୍ଭ ନଡ଼ିଆ ପଣସ ସମେତ ବିଭିନ୍ନ ଚାରା ରୋପଣ କରିଥିଲେ । ବିଦ୍ୟାଳୟର ପ୍ରଧାନ ଶିକ୍ଷକ ଚୌରମାକାନ୍ତ ପ୍ରହରାଜଙ୍କ ପୌରୋଜିତ୍ୟରେ ଆୟୋଜିତ ଉତ୍ସବରେ ସମ୍ମାନିତ ଅତିଥି ଭାବେ ପୁରାତନ ଛାତ୍ର ସଂସଦ ସଭାପତି ପବିତ୍ର ମୋହନ ପ୍ରଧାନ, ପରିଚାଳନା କମିଟି ସଭାପତି ଭ୍ରମରବର ମହାନ୍ତି ଯୋଗ ଦେଇଥିଲେ । ଶିକ୍ଷକ ରମାକାନ୍ତ ଦାସ, ଶିକ୍ଷୟତ୍ରୀ ପଦ୍ମାଳୟା ରାଉତ, ସ୍ଵାଗତି ମିଶ୍ର ବିନୋଦିନୀ ପାଢ଼ୀ, ପଦ୍ମାଳୟା ସିଂ,, ପଵିତ୍ରମୋହନ ନାଥ, ଅକ୍ଷୟ କୁମାର ସାହୁ ପ୍ରମୁଖ ଉପସ୍ଥିତ ରହି ବୃକ୍ଷ ରୋପଣ ରେ ସହଯୋଗ କରିଥିଲେ।
Comments are closed.