ନୂଆଦିଲ୍ଲୀ : ତାମିଲନାଡୁରେ ଓମିକ୍ରନ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି । ଗୋଟିଏ ଦିନରେ ୩୩ ନୂଆ ଓମିକ୍ରନ ଆକ୍ରାନ୍ତ ଚିହ୍ନଟ ହେବା ପରେ ତାମିଲନାଡୁରେ ମୋଟ ସଂକ୍ରମିତଙ୍କ ସଂଖ୍ୟା ୩୪ରେ ପହଞ୍ଚିଛି । ତାମିଲନାଡୁରେ ସ୍ୱାସ୍ଥ୍ୟ ମନ୍ତ୍ରୀ ଏମ.ଏ.ସୁବ୍ରମଣ୍ୟମ ଏହାର ସୂଚନା ଦେଇଛନ୍ତି । ବୁଧବାର ଯାଏଁ ତାମିଲନାଡୁରେ କେବଳ ଗୋଟିଏ ଓମିକ୍ରନ ମାମଲା ରହିଥିବା ବେଳେ ମାତ୍ର ଗୋଟିଏ ଦିନରେ ଓମିକ୍ରନ ମାମଲା ବୃଦ୍ଧି ପାଇଛି । ଫଳରେ ଦେଶରେ ମୋଟ ଓମିକ୍ରନ ଆକ୍ରାନ୍ତଙ୍କ ସଂଖ୍ୟା ୨୮୦ ରେ ପହଞ୍ଚିଛି ।
ଦେଶରେ କରୋନାର ନୂତନ ଭାରିଆଣ୍ଟ ‘ଓମିକ୍ରନ୍ ‘ର ବୃଦ୍ଧି ପାଇବାରେ ଲାଗିଛି । ଏହା ଏବେ ସରକାରଙ୍କ ପାଇଁ ଚିନ୍ତାର କାରଣ ପାଲଟିଛି ।
ଏହାକୁ ଦୃଷ୍ଟିରେ ରଖି ସ୍ୱାସ୍ଥ୍ୟ ମନ୍ତ୍ରଣାଳୟରେ ବାରମ୍ବାର ବୈଠକ କରାଯାଉଥିବା ବେଳେ ଆଜି ପ୍ରଧାନମନ୍ତ୍ରୀ ମୋଦୀ ଦେଶର କରୋନା ପରିସ୍ଥିତି ସମ୍ପର୍କରେ ଅଧିକାରୀଙ୍କ ସହ ବୈଠକ କରିବେ ।
ଏହା ବ୍ୟତୀତ ଦିଲ୍ଲୀର ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ମଧ୍ୟ ଆଜି ଏକ ବୈଠକ ଡାକିଛନ୍ତି। ବୈଠକ ପରେ ଦିଲ୍ଲୀ ପାଇଁ ନୂତନ ନିର୍ଦ୍ଦେଶନାମା ଜାରି କରାଯିବ। ଏହି ସମୟରେ, ଓମିକ୍ରନ୍ ଭାରିଆଣ୍ଟରେ ସଂକ୍ରମିତ ରୋଗୀଙ୍କ ସଂଖ୍ୟା ବର୍ତ୍ତମାନ ଦେଶରେ ୨୮୦ ରେ ପହଞ୍ଚିଛି। ଏଥିମଧ୍ୟରୁ ମହାରାଷ୍ଟ୍ରରେ ସର୍ବାଧିକ ୬୫ ରହିଛି ।
Comments are closed.