୬୦ ନମ୍ବର ଜାତୀୟ ରାଜପଥରରୁ ତେଲ ବୋଝେଇ ଟ୍ରକ ଅପହରଣ

ବାଲେଶ୍ବର : ବାଲେଶ୍ବର ଜିଲ୍ଲା  ୬୦ ନମ୍ବର ଜାତୀୟ ରାଜପଥର ଚାଲନ୍ତି ଠାରୁ ତେଲ ବୋଝେଇ ଟ୍ରକ ଅପହ୍ରୁତ ହୋଇଛି। ଏକତାଳି ଛକ ଠାରେ ଦୁଇଜଣ ଯୁବକ ଆସଲାମ୍ ଅନସାରି ଓ ଇସଗାନ ଅନସାରି ନିଶାଶକ୍ତ ଓ ଆହତ ଅବସ୍ଥାରେ ପଡ଼ିଥିବା ବେଳେ ସ୍ଥାନୀୟ ଲୋକେ ୧୦୮ ଆମ୍ବୁଲାନ୍ସ ରେ ଜଳେଶ୍ୱର ଜି.କେ ଭଟ୍ଟର ହସ୍ପିଟାଲ ଆଣିଥିଲେ। ସେମାନଙ୍କ ଅବସ୍ଥା ଗୁରୁତର ଥିବାରୁ ସେମାନଙ୍କୁ ବାଲେଶ୍ୱର ପଠାଯାଇଛି। ସେମାନଙ୍କ ଘର ଝାରଖଣ୍ଡ ରାଜ୍ୟରେ। ୬୦ ନମ୍ବର ଜାତୀୟ ରାଜପଥର ଭେଲୋରା ଛକ ଠାରୁ ଲକ୍ଷ୍ମଣନାଥ ଟୋଲ୍ ପ୍ଲାଜା ମଧ୍ୟରେ ଅତୀତରେ ବହୁ ଟ୍ରକ ଟ୍ୟାଙ୍କର ଅପହ୍ରୁତ ହେଉଥିବାର ନଜିର ରହିଛି।ସେମାନେ ଆଜି ୬୦ ନମ୍ବର ଜାତୀୟ ରାଜପଥର ଭୁବନେଶ୍ୱରରୁ ପଶ୍ଚିମବଙ୍ଗ ଅଭିମୁଖେ ଯାଉଥିଲା ବେଳେ ଦୁର୍ବୃତ୍ତ ମାନେ କୌଶଳ କରି ସେମାନଙ୍କୁ ମାଦକ ଦ୍ରବ୍ୟ ସେବନ କରାଇ ରାସ୍ତାକଡ଼କୁ ଫିଙ୍ଗିଦେଇଥିବା ଓ ପରେ ଟ୍ରକ ଅପହରଣ କରିଥିବା କୁହାଯାଉଛି। ଅତୀତରେ ଜଣେ ଡ୍ରାଇଭରର ମୃତ ଦେହ ସୁବର୍ଣ୍ଣରେଖା ପୋଲ ତଳୁ ମିଳିଥିଲା ବେଳେ ଅନ୍ୟ ତିନୋଟି ଘଟଣାରେ ଡ୍ରାଇଭର ଓ ହେଲ୍ପରଙ୍କୁ ଏହି ଅଞ୍ଚଳରୁ ଅପହରଣ କରି ମୟୁରଭଂଜ ଜିଲ୍ଲାର ଜଙ୍ଗଲରୁ ଉଦ୍ଧାର କରାଯାଇଛି,କିନ୍ତୁ କୌଣସି ଯାନର ପତ୍ତା ମିଳିନାହିଁ।

Comments
Loading...