MEllora 950×100

ସତସଙ୍ଗରେ ରାମନାମ ଗାଉଥିବା ବେଳେ ଟଳି ପଡ଼ିଲେ ପୂଜକ

ବିନିକା: ବରଗଡ଼ ଜିଲା ଅତାବିରା ବ୍ଲକର ଟୁକୁରା ଠାରେ ଆୟୋଜିତ ଏକ ଆଧ୍ୟାତ୍ମିକ ସତସଙ୍ଗ କାର୍ଯ୍ୟକ୍ରମରେ ଅଂଶଗ୍ରହଣ କରି ରାମନାମ ଗାଉଥିବା ବେଳେ ବିନିକା ବ୍ଲକ ଅନ୍ତର୍ଗତ ସିନ୍ଦୁରପୁର ଗାଁର ଶ୍ରୀ ଗୋପାଲଜୀ ମହାପ୍ରଭୁଙ୍କ ପୂଜକ କୈଳାଶଚନ୍ଦ୍ର ପଣ୍ଡା ହଠାତ୍ ତଳେ ପଡ଼ିଯାଇ ସେଠାରେ ହିଁ ଟଳି ପଡ଼ିଥିଲେ। ବୁଧବାର ଅପରାହ୍ନ ସମୟରେ ଅତାବିରା ବ୍ଲକର ଟିକୁରା ଠାରେ ଆୟୋଜିତ ସତସଙ୍ଗ କାର୍ଯ୍ୟକ୍ରମରେ ଘଟି ଯାଇଥିବା ବେଳେ ଘଟଣାଟି ଏବେ ବିଭିନ୍ନ ସାମାଜିକ ଗଣମାଧ୍ୟମରେ ମଧ୍ୟ ପୂଜକ କୈଳାଶଚନ୍ଦ୍ର ପଣ୍ଡା (୭୫)ଙ୍କ ମୃତ୍ୟୁ ଘଟଣାର ଭିଡ଼ିଓ ଘୁରି ବୁଲିବା ପରେ ଲୋକେ ଏହାକୁ ଦେଖି ସମସ୍ତଙ୍କୁ ଆଶ୍ଚର୍ଯ୍ୟ କରିଛି।

ସତସଙ୍ଗ କାର୍ଯ୍ୟକ୍ରମ ହରିନାମ ଭଜନ ଗାନ କରୁଥିବା ବେଳେ ତାଙ୍କର ଅକାଳ ମୃତ୍ୟୁକୁ ନେଇ ବିଭିନ୍ନ ମହଲରେ ସ୍ବର୍ଗତ ପଣ୍ଡାଙ୍କୁ ଗଭୀର ଶ୍ରଦ୍ଧାଞ୍ଜଳୀ ଜ୍ଞାପନ କରାଯାଇଛି। ପରେ ତାଙ୍କ ମରଶରୀରକୁ ଏକ ବିରାଟ ଶୋଭାଯାତ୍ରାରେ ପୁଣ୍ୟତୋୟା ମହାନଦୀକୁ ନିଆ ଯାଇଥିଲା। ସେଠାରେ ତାଙ୍କର ଶେଷକୃତ୍ୟ ସମ୍ପନ୍ନ ବେଳେ ସିନ୍ଦୁରପୁର ଶ୍ରୀ ଗୋପାଳଜୀ ଭ୍ରାମ୍ୟମାଣ ସତସଙ୍ଗ ଭଜନ ମଣ୍ଡଳୀର ସଭାପତି ବିନୋଦ ବିହାରୀ ପାଣ୍ଡିଆଙ୍କ ସମେତ ପୂର୍ଣ୍ଣଚନ୍ଦ୍ର ପଣ୍ଡା, ମହାଦେବ ପଣ୍ଡା, ଚାପଧାରୀ ହୋତା, ଦେବଦତ୍ତ ପଣ୍ଡା, ଶାନ୍ତନୁ ପଣ୍ଡା, ତିର୍ଥବାସୀ ପଣ୍ଡାଙ୍କ ସହ ବହୁ ବିଶିଷ୍ଟ ବ୍ୟକ୍ତି ଉପସ୍ଥିତ ଥିଲେ। ଅନ୍ତିମ ସଂସ୍କାର ବେଳେ ତାଙ୍କ ପୁତୁରା ବଳଦେବ ପଣ୍ଡା ମୂଖାଗ୍ନୀ ଦେଇଥିଲେ।

Comments are closed.