ରାଜ୍ୟରେ ଚିହ୍ନଟ ହୋଇଥିବା ପ୍ରଥମ କରୋନା ଆକ୍ରାନ୍ତଙ୍କ ସଂସ୍ପର୍ଶରେ ଆସିଛନ୍ତି ୧୨୯ ଜଣ

ଭୁବନେଶ୍ବର: ଗତକାଲି ରାଜ୍ୟର ପ୍ରଥମ କରୋନା ଆକ୍ରାନ୍ତ ରାଜଧାନୀ ଭୁବନେଶ୍ବରରୁ ଚିହ୍ନଟ ହୋଇଥିଲେ। ତେବେ ଚିହ୍ନଟ କରୋନା ଆକ୍ରାନ୍ତ ଜଣଙ୍କ ରାଜଧାନୀ ଭୁବନେଶ୍ବର ବାସିନ୍ଦା ହୋଇଥିବା ବେଳେ ସେ ଗତ ୬ତାରିଖରେ ସେ ଇଟାଲୀରୁ ଦିଲ୍ଲୀ ଆସିଥିଲେ। ପରେ ଟ୍ରେନ ଯୋଗେ ଦିଲ୍ଲୀରୁ ଆସି ଭୁବନେଶ୍ୱରରେ ୧୨ରେ ପହଞ୍ଚିଥିଲେ। ମାର୍ଚ୍ଚ ୧୩ରେ ଏକ ଘରୋଇ ଡ଼ାକ୍ତରଙ୍କୁ ଦେଖାଇବା ସହ ଗତ ୧୪ରେ ଆଡ଼ମିଟ, ପରେ ୧୫ରେ ପରୀକ୍ଷା ରିପୋର୍ଟ ପଜିଟିଭି ଆସିଥିଲେ। ରାଜଧାନୀର ଯୁବକ କରୋନା ପଜିଟିଭ୍ ଆସିବାପରେ ସ୍ବାସ୍ଥ୍ୟ ବିଭାଗର ନିଦ ହଜିଯାଇଥିଲା। ବିଳମ୍ବିତ ରାତ୍ରୀରେ ସ୍ବାସ୍ଥ୍ୟ ବିଭାଗ ପକ୍ଷରୁ ଉକ୍ତ ଯୁବକଙ୍କ ପରିବାର ସଦଶ୍ୟଙ୍କୁ ଭେଟିବା ସହ ସେମାନଙ୍କୁ ମେଡିକାଲରେ ଆଇସୋଲେସନରେ ଭର୍ତ୍ତି କରାଇବା ପାଇଁ ପଦକ୍ଷେପ ନିଆଯାଇଥିଲା।

ତେବେ ଯୁବକଙ୍କ ସ୍ୱାସ୍ଥ୍ୟ ଅବସ୍ଥା ସ୍ଥିର ଥିବା ସହ ଉକ୍ତ ଯୁବକ ଜଣଙ୍କ ଯେଉଁମାନଙ୍କ ସଂସ୍ପର୍ଶରେ ଆସିଥିଲେ ସେମାନଙ୍କୁ ଚିହ୍ନଟ କିରିବା ପାଇଁ ସ୍ବାସ୍ଥ୍ୟ ବିଭାଗ ପ୍ରୟାସ କରିଥିଲା। ତେବେ ଉକ୍ତ ଯୁବକ ଜଣଙ୍କ ସଂସ୍ପର୍ଶରେ ୧୨୯ ଜଣ ଆସିଥିବା ବର୍ତ୍ତମାନ ସୁଦ୍ଧା ଜଣାପଡିଥିବା କହିଛନ୍ତି ରାଜ୍ୟ ସରକାରଙ୍କ କରୋନା ସଚେତନା ଟିମର ମୁଖ୍ୟ ସୁବ୍ରତ ବାଗଚୀ। ସୋମବାର ଗୀତଗୋବିନ୍ଦ ସଦନରେ ଅୟୋଜିତ ସାମ୍ବାଦିକ ସମ୍ମିଳନୀରେ ସୂଚନା ଦେଇ ବାଗଚୀ କହିଛନ୍ତି ପଜିଟିଭ ଚିହ୍ନଟ ସଂପୃକ୍ତ ଯୁବକଙ୍କ ସଂସ୍ପର୍ଶରେ ମୋଟ ୧୨୯ ଜଣ ଆସିଛନ୍ତି । ସେମାନଙ୍କ ମଧ୍ୟରୁ ୫୩ ଜଣ ଭୁବନେଶ୍ବରର ହୋଇଥିବା ବେଳେ ଅନ୍ୟ ୭୬ ଜଣ ସେ ଦିଲ୍ଲୀରୁ ଭୁବନେଶ୍ବର ଟ୍ରେନରେ ଆସିବା ବେଳେ ସଂସ୍ପର୍ଶରେ ଆସିଛନ୍ତି। ସମ୍ପୃକ୍ତ ବ୍ୟକ୍ତି ଜଣକ ଆସିବା ପରେ ଭୁବନେଶ୍ୱରରେ ଏକ ଘରୋଇ କ୍ଲିନିକକୁ ଯାଇଥିଲେ। ଉକ୍ତ ଘରୋଇ କ୍ଲିନିକ୍‌କୁ ଏବେ ବନ୍ଦ କରିଦିଆଯାଇଛି। ସଂପୃକ୍ତ ଡାକ୍ତର ଓ ଷ୍ଟାଫଙ୍କୁ ଆଇସୋଲେସନରେ ରଖାଯାଇଛି।

Comments
Loading...