କଟକ: ଓଡ଼ିଆ ସ୍ପ୍ରିଣ୍ଟର ଅଲିମ୍ପିଆନ ଦୂତି ଚାନ୍ଦ ପ୍ରଥମ ଛତିଶଗଡ଼ ବର୍ଣ୍ଣି ପୁରସ୍କାର ପାଇବା ଲାଗି ମନୋନୀତ ହୋଇଛନ୍ତି। ଜାତୀୟ ଓ ଅନ୍ତର୍ଜାତୀୟ ଦୌଡ଼କୁଦ କ୍ରୀଡ଼ା କ୍ଷେତ୍ରରେ ଉତ୍କର୍ଷତା ପ୍ରଦର୍ଶନ ଲାଗି ଛତିଶଗଡ଼ ସରକାରଙ୍କ ପକ୍ଷରୁ ଦୂତିଙ୍କୁ ଏହି ପୁରସ୍କାର ପ୍ରଦାନ ଲାଗି ନିଷ୍ପତ୍ତି ନିଆଯାଇଛି। ଆସନ୍ତା ୧୪ରେ ଉକ୍ତ ପୁରସ୍କାର ଭର୍ଚୁଆଲ ପ୍ଲାଟ୍ଫର୍ମ ମାଧ୍ୟମରେ ପ୍ରଦାନ କରାଯିବ । ଦୂତି ୨୦୧୮ ଏସୀୟ କ୍ରୀଡ଼ାରେ ୧୦୦ ଓ ୨୦୦ ମିଟର ଦୌଡ଼ରେ ରୌପ୍ୟ ପଦକ ବିଜୟୀ ହୋଇଥିଲେ। ଏହାଛଡ଼ା ୨୦୧୯ ଇଟାଲିର ନେପୋଲିରେ ଆୟୋଜିତ ବିଶ୍ବ ବିଶ୍ବବିଦ୍ୟାଳୟ କ୍ରୀଡ଼ାର ୧୦୦ମିଟର ଦୌଡ଼ରେ ପ୍ରଥମ ଭାରତୀୟ ମହିଳା ଭାବେ ସ୍ବର୍ଣ୍ଣ ପଦକ ବିଜୟୀ ହୋଇ ଇତିହାସ ସୃଷ୍ଟି କରିଥିଲେ।
ଏହାଛଡ଼ା ଦୂତିଙ୍କ ନାମରେ ୧୦୦ମିଟର ଦୌଡ଼ରେ ୧୧.୨୨ ସେକେଣ୍ଡର ଜାତୀୟ ରେକର୍ଡ ରହିଛି। ଦୂତି ପୋଲାଣ୍ଡରେ ଆୟୋଜିତ ହେବାକୁ ଥିବା ବିଶ୍ବ ରିଲେ ଦୌଡ଼କୁଦ ଚମ୍ପିଆନସିପ୍ରେ ୪ ଗୁଣା ୧୦୦ ମିଟର ମହିଳା ରିଲେ ଦଳରେ ସ୍ଥାନ ପାଇଛନ୍ତି।
Comments are closed.