ଓବିସି କମିଶନ ବିଲ୍-୨୦୨୦ ପାରିତ

ଭୁବନେଶ୍ବର: ବିଧାନସଭାରେ ଓବିସି କମିସନ ସଂଶୋଧନ ବିଲ୍ ଉପସ୍ଥାପିତ ହୋଇଛି । ବିଲ୍ ଆଗତ କରିଛନ୍ତି ଓବିସି ବିକାଶ ମନ୍ତ୍ରୀ ଜଗନ୍ନାଥ ସାରକା । ଏଣିକି ଏହି କମିସନ ଓବିସିଙ୍କ ସାମାଜିକ ଓ ଶିକ୍ଷାଗତ ସ୍ଥିତିର ସର୍ବେକ୍ଷଣ କରିବେ। ଓଡ଼ିଶା ରାଜ୍ୟ ପଛୁଆବର୍ଗ କମିଶନ-୧୯୯୩ ଆଇନର ସଂଶୋଧନ କରିବା ସହ ଏକ ନୂଆ ବିଲରେ ଗୃହରେ ଆଗତ କରିଥିଲେ। ଏହି ସଂଶୋଧନ ପରେ ରାଜ୍ୟ ସରକାର ପଛୁଆବର୍ଗର ଲୋକମାନଙ୍କର ସାମାଜିକ ଓ ଶିକ୍ଷାଗତ ସ୍ଥିତି ବିଷୟରେ ସର୍ଭେ କରିବା କମିଶନଙ୍କ ପକ୍ଷେ ସହଜ ହୋଇପାରିବ।

ବିଲର ସଂଶୋଧନ ଅନୁସାରେ ଓଡ଼ିଶା ରାଜ୍ୟ ପଛୁଆବର୍ଗ କମିଶନ ଆଇନ-୧୯୯୩ର ଧାରା ୯(ଉପଧାରା-୧)ରେ ସଂଶୋଧନ କରାଯାଇ ରାଜ୍ୟରେ ପଛୁଆ ବର୍ଗର ଲୋକଙ୍କ ସାମାଜିକ ଓ ଆର୍ଥିକ ଅବସ୍ଥାର ସର୍ଭେ କମିଶନ ସମୟ-ସମୟରେ କରିବେ ଓ ଏହା ରାଜ୍ୟ ସରକାର ସ୍ଥିର କରିବେ ବୋଲି ଆଇନରେ ସଂଶୋଧନ କରାଯାଇଛି। ଏହି ସଂଶୋଧନ ପ୍ରସ୍ତାବ ଗୃହର ଅନୁମୋଦନ ଲାଭ କରିବାପରେ ଏହାକୁ ରାଜ୍ୟପାଳଙ୍କ ଅନୁମୋଦନ ପାଇଁ ପଠାଯିବ।

ସୂଚନାଯୋଗ୍ୟ, ରାଜ୍ୟ କ୍ୟାବିନେଟ ଜାନୁୟାରୀ ୧୨ତାରିଖରେ ଏକ ସଂକଳ୍ପ ପ୍ରସ୍ତାବ ଆଗତ କରି ରାଜ୍ୟରେ ଓବିସି ଚିହ୍ନଟ ପ୍ରକ୍ରିୟା ନିମନ୍ତେ କେନ୍ଦ୍ର ସରକାରଙ୍କୁ ସୁପାରିସ୍ କରିଥିଲା। ଏଥି ସହ ଜଷ୍ଟିସ ରଘୁନାଥ ବିଶ୍ବାଳଙ୍କୁ ଓବିସି କମିଶନର ଅଧ୍ୟକ୍ଷ ଭବେ ନିଯୁକ୍ତ କରିଥିଲେ। ଅଧ୍ୟକ୍ଷଙ୍କ ସହ ୩ଜଣ ସଦସ୍ୟ ଓ ଜଣେ ସଦସ୍ୟ ସଚିବଙ୍କୁ ମଧ୍ୟ ନିଯୁକ୍ତି କରାଯାଇଥିଲା । ପ୍ରଫେସର ନବନୀତା ରଥ, ପ୍ରଫେସର ମିତାଲି ଚିନ୍ନାରା ଓ ଡକ୍ଟର ପ୍ରସନ୍ନ କୁମାର ପାତ୍ର କମିଶନର ସଦସ୍ୟ ଭାବେ ନିଯୁକ୍ତ ହୋଇଛନ୍ତି। ଅନ୍ୟପକ୍ଷରେ ବରିଷ୍ଠ ପ୍ରଶାସନିକ ଅଧିକାରୀ ବୀର ବିକ୍ରମ ଯାଦବଙ୍କୁ କମିଶନଙ୍କ ସଦସ୍ୟ ସଚିବଭାବେ ନିଯୁକ୍ତ କରାଯାଇଛି।

Comments
Loading...