କଟକ : ଓଡ଼ିଶା ଲୋକ ସେବା ଆୟୋଗ(ଓପିଏସସି) ଦ୍ବାରା ପରିଚାଳିତ ଓଡ଼ିଶା ପ୍ରଶାସନିକ ସେବା(ଓଏଏସ) ପରୀକ୍ଷାଫଳ ୨୦୧୯ ଆଜି ପ୍ରକାଶ ପାଇଛି। ଏହି ପରୀକ୍ଷାରେ ଅଶ୍ୱିନୀ କୁମାର ପଣ୍ଡା ଟପ୍ପର ହୋଇଛନ୍ତି । ସେହିପରି ଅଙ୍କୁର ଅଭିଳାଶ ଦ୍ବିତୀୟ ଏବଂ ରଶ୍ମିରେଖା ପାତ୍ରଙ୍କୁ ତୃତୀୟ ରାଙ୍କ ମିଳିଛି। ଏଥର ଓପିଏସି ଓଏଏସ ପରୀକ୍ଷାରେ ୧୫୩ଜଣ କୃତକାର୍ଯ୍ୟ ହୋଇଥିବାବେଳେ ସେମାନଙ୍କ ମଧ୍ୟରେ ୫୩ଜଣ ମହିଳା ରହିଛି। କୋଭିଡ-୧୯ କାରଣରୁ ଏହା ବିଳମ୍ବ ହୋଇଥିଲା। ଯାହା କାର୍ଯ୍ୟସୂଚୀ ଉପରେ ପ୍ରତିକୂଳ ପ୍ରଭାବ ପକାଇଥିଲା। ଓଏଏସରେ ୩୦ ଟି ପଦବୀ, ଓଏଫଏସ ରେ ୯ଟି ପଦବୀ, ଓପିଏସ ୭, ଓସିଏସ-୫, ଓଆରଏସ (ଗ୍ରୁପ-ବି) ୮୨ ଏବଂ ଓଟି ଏବଂ ଏଏସ-୨୦ରେ ଖାଲି ଥିଲା।
ଓପିଏସି୧୫୩ ପ୍ରାର୍ଥୀଙ୍କୁ ସୁପାରିଶ କରିଛି। ସଫଳ ପ୍ରାର୍ଥୀ ତାଲିକାରେ ଶ୍ରୀ ପଣ୍ଡା ଶୀର୍ଷରେ ଥିବାବେଳେ ତିନିଜଣ ମହିଳା ପ୍ରାର୍ଥୀ ଶ୍ରେଷ୍ଠ ଦଶରେ ଅଛନ୍ତି। ଓଡ଼ିଶା ଲୋକ ସେବା ଆୟୋଗ ଦ୍ବାରା ପରିଚାଳିତ ଓଏଏସ ପରୀକ୍ଷା ଲାଗି ୪୭୭୧୯ଆବେଦନ ଗ୍ରହଣ କରାଯାଇଥିଲା। ଏଥିମଧ୍ୟରୁ ମୋଟ ୨୫୭୮୦ଜଣ ଗତ ବର୍ଷ ମାର୍ଚ୍ଚ ୧୫ରେ ଅନୁଷ୍ଠିତ ପ୍ରାଥମିକ ପରୀକ୍ଷା ଦେଇଥିଲେ। ୧୮୮୦ଜଣ ପ୍ରାର୍ଥୀ ଲିଖିତ ପରୀକ୍ଷା ଲାଗି ଯୋଗ୍ୟ ହୋଇଥିଲେ । ସେମାନଙ୍କ ମଧ୍ୟରୁ ୧୬୧୦ଜଣ ଡିସେମ୍ବର ୨୦୨୦ରେ ଅନୁଷ୍ଠିତ ହୋଇଥିବା ପରୀକ୍ଷା ଦେଇଥିଲେ। ସାକ୍ଷାତକାର ପାଇଁ ୩୦୭ ପ୍ରାର୍ଥୀଙ୍କୁ ଡକାଯାଇଥିଲା। ଯାହାକି ୨୨ସେପ୍ଟେମ୍ବରରୁ ୫ ଅକ୍ଟୋବର ପର୍ଯ୍ୟନ୍ତ ୯ଦିନ ପର୍ଯ୍ୟନ୍ତ ଥିଲା ।
Comments are closed.