କରୋନା ଅପଡେଟ୍ : ଭାରତରେ କରୋନା ସଂକ୍ରମିତଙ୍କ ସଂଖ୍ୟା ୧୦୦ ଟପିଲା

ନୂଆଦିଲ୍ଲୀ : ଭାରତରେ କରୋନା ଆକ୍ରାନ୍ତଙ୍କ ସଂଖ୍ୟା ଶହେ ଟପିଛି ।ମାର୍ଚ୍ଚ ୧୫ ମଧ୍ୟାହ୍ନ ୧୨ଟା ସୁଦ୍ଧା ଭାରତରେ ୧୦୭ ଜଣ କରୋନା ସଂକ୍ରମଣରେ ଆକ୍ରାନ୍ତ ହୋଇଛନ୍ତି। ଏନେଇ ପରିବାର ଏବଂ ସ୍ୱାସ୍ଥ୍ୟ କଲ୍ୟାଣ ମନ୍ତ୍ରଣାଳୟ ପକ୍ଷରୁ ରିପୋର୍ଟ ପ୍ରକାଶ ପାଇଛି। ଏଥିରେ ୧୭ ଜଣ ବିଦେଶୀ ନାଗରିକ ମଧ୍ୟ ଅଛନ୍ତି। ମହାରାଷ୍ଟ୍ରରେ ଜଣେ ୫୯ ବର୍ଷ ବୟସ୍କା ମହିଳା ସଂକ୍ରମିତ ହୋଇଥିବା ଜଣାପଡିଛି। ଏହା ସହ କୋଚିରୁ ଦୁବାଇ ଅଭିମୁଖେ ଯାଉଥିବା ଜଣେ ବ୍ରିଟିଶ ଯାତ୍ରୀ ମଧ୍ୟ ସଂକ୍ରମିତ ହୋଇଥିବା ଜଣାପଡିଛି। ଏହି ସମୟରେ ଇରାନରେ ଫସି ରହିଥିବା ୨୩୪ ଜଣ ଏବଂ ଇଟାଲୀରେ ଫସି ରହିଥିବା ୨୧୮ ଜଣ ଭାରତୀୟଙ୍କୁ ଫେରାଇ ଅଣାଯାଇଛି।

Comments are closed.