ବର୍ଷାରେ ଘରେ ପଶିଲେ ଭାଲୁ, ଗୃହ ଭିତରେ ଥିବା ବୃଦ୍ଧାଙ୍କୁ କଲେ ଆକ୍ରମଣ

ନୂଆପଡା: ନୂଆପଡା ଜିଲା ବୋଡେନ ଥାନା ଅନ୍ତର୍ଗତ ଲର୍କା ଗ୍ରାମରେ ଗୁରୁବାର ଏକ ଅଭାବନୀୟ ଘଟଣା ଘଟିଛି।  ଘର ଭିତରେ ଥିବା ଜଣେ ବୃଦ୍ଧାଙ୍କୁ ଭାଲୁ ଆକ୍ରାମଣ କରିଥିବା ଜଣାପଡ଼ିଛି।  ବୃଦ୍ଧା ଜଣଙ୍କ ହେଲେ ସେହି ଗ୍ରାମର କୁଲାଙ୍ଗ୍ରୀ ତାଣ୍ଡି ।

ସୂଚନା ଅନୁଯାୟୀ, କୁଲାଙ୍ଗ୍ରୀ ଲର୍କା ଗ୍ରାମର ଜଙ୍ଗଲର ତଳି ଅଞ୍ଚଳରେ ଘର ବନାଇ ରୁହନ୍ତି। ଗତ ରାତିରେ ପ୍ରବଳ ବର୍ଷା ହେବାରୁ ଜଙ୍ଗଲର ଦୁଇଟି ଭାଲୁ ବାଟବଣା ହୋଇ ବୃଦ୍ଧାଙ୍କ ଘର ଭିତରକୁ ପଶି ଆସିଥିଲେ। ଭାଲୁଙ୍କୁ ଦେଖି ବୃଦ୍ଧା ଜଣକ ଭୟଭୀତ ହୋଇ ସେମାନଙ୍କୁ ଘଉଡାଇବାକୁ ଉଦ୍ୟମ କରିବାରୁ ଭାଲୁ ମାନେ ବୃଦ୍ଧାଙ୍କୁ ଆକ୍ରମଣ କରି ଘାଇଲା କରିଦେଇଥିଲେ। ଘରର ଅନ୍ୟ ଲୋକମାନେ ମଧ୍ୟ ଭାଲୁକୁ ଘଉଡାଇବାରୁ ଭାଲୁ ମାନେ ପୁନଃ ଜଙ୍ଗଲକୁ ଚାଲିଯାଇଥିବା କୁହାଯାଉଛି। ବୃଦ୍ଧାଙ୍କୁ ଉଦ୍ଧାର କରାଯାଇ ଆମ୍ବୁଲାନ୍ସ ଯୋଗେ ଗୁରୁତର ଅବସ୍ଥାରେ ବୋଡେନ ପ୍ରାଥମିକ ଚିକିତ୍ସାଳୟରେ ଭର୍ତ୍ତି କରାଯାଇଛି।

Comments
Loading...