ଭୁବନେଶ୍ବର : ପୂର୍ବାଞ୍ଚଳ ରାଜ୍ୟ ପରିଷଦ ବୈଠକରେ ନାଗରିକ ସଂଶୋଧନ ଆଇନ(ସିଏଏ)ଏବଂ ଜାତୀୟ ନାଗରିକ ପଞ୍ଜୀକରଣ (ଏନଆରସି) ଉପରେ କୌଣସି ଆଲୋଚନା ହୋଇନଥିବା ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ କହିଛନ୍ତି। ଗଣମାଧ୍ୟମକୁ ସୂଚନା ଦେଇ ସେ କହିଛନ୍ତି, ଦିଲ୍ଲୀ ଦଙ୍ଗା ଏକ ଦୁଃଖଦ ଘଟଣା। ସାରା ଦେଶରେ କିଭଳି ଶାନ୍ତି ବଜାୟ ରହିବ ସେ ନେଇ ସମସ୍ତେ ଉଦ୍ୟମ କରିବା ଆବଶ୍ୟକ, ଏହା ଅତ୍ୟନ୍ତ ଗୁରୁତ୍ବପୂର୍ଣ୍ଣ। ଏ ନେଇ ଗୃହ ମନ୍ତ୍ରୀଙ୍କ ଇସ୍ତଫା ଦାବି କରିବା ପ୍ରସଙ୍ଗ ନୁହେଁ।
ମମତା କହିଛନ୍ତି, ବୈଠକରେ କେନ୍ଦ୍ର ଅବହେଳା ପ୍ରସଙ୍ଗ ଉଠାଇଥିଲି। କେନ୍ଦ୍ର ସରକାର ଏ ପର୍ଯ୍ୟନ୍ତ ଫଣି ଓ ବୁଲବୁଲରେ କ୍ଷୟକ୍ଷତି ପାଇଁ ପଶ୍ଚିମବଙ୍ଗକୁ ସହାୟତା ପ୍ରଦାନ କରିନାହାନ୍ତି। ଏବାବଦରେ ୫୦ହଜାର କୋଟି ଟଙ୍କା ବକେୟା ପଡ଼ିଛି। ଏଥିସହ ଜିଏସଟି କ୍ଷତିପୂରଣ ମଧ୍ୟ ମିଳିନି।
କୋଇଲା ରୟାଲିଟି ସଂଶୋଧନ ଏବଂ ଭିତ୍ତିଭୂମି ବିକାଶ ପାଇଁ ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଦେଇଥିବା ପ୍ରସ୍ତାବ ଆଧାରରେ ବୈଠକରେ ସେ କହିଥିବା ପ୍ରକାଶ କରିଛନ୍ତି।
Comments are closed.