ଛତ୍ରପୁରରେ ଦିନକରେ ୩ ଦୁର୍ଘଟଣା ; ପ୍ରଥମେ ଗ୍ୟାସ୍ ଟ୍ୟାଙ୍କର,ପୁଲିସ ଭ୍ୟାନ ପରେ ଟ୍ରକ ଦୁର୍ଘଟଣାଗ୍ରସ୍ତ, ୧ ମୃତ
ଛତ୍ରପୁର : ଗଞ୍ଜାମ ଜିଲା ଛତ୍ରପୁର ତାମ୍ପରା ୧୬ ନମ୍ବର ଜାତୀୟ ରାଜପଥରେ ବୁଧବାର ଏକାଧିକ ଦୁର୍ଘଟଣା ଘଟିଛି। ପ୍ରଥମେ ଏକ ଗ୍ୟାସ୍ ଟ୍ୟାଙ୍କର ଓଲଟିପଡ଼ିଥିବା ବେଳେ ଖବର ପାଇ ଅଗ୍ନିଶମ କର୍ମଚାରୀ ପରିସ୍ଥିତକୁ ନିୟନ୍ତ୍ରଣ କରୁଥିବା ସହ ଘଟଣାସ୍ଥଳକୁ ଯାଉଥିବା ଏକ ପୁଲିସ ଭ୍ୟାନ ଓଲଟି ୫ ପୁଲିସ କର୍ମଚାରୀ ଆହତ ହୋଇ ଚିକିତ୍ସିତ ହେଉଛନ୍ତି। ସେପରି କିଛି ସମୟର ବ୍ୟବଧାନରେ ଉକ୍ତ ସ୍ଥାନ ଠାରୁ କିଛି ଦୂରରେ ଏକ ମାଲବୋଝେଇ ଟ୍ରକ ପାର୍କି କରୁଥିବା ସମୟରେ ଦୁର୍ଘଟଣାଗ୍ରସ୍ତ ହୋଇ ଓଲଟି ପଡିଥିଲା। ଫଳରେ ଘଟଣାସ୍ଥଳରେ ଚାଳକଙ୍କ ମୃତ୍ୟୁ ହୋଇଛି। ତାଙ୍କ ପରିଚୟ ଅସ୍ପଷ୍ଟ ରହିଛି।
ସୂଚନା ଯୋଗ୍ୟ, ଆଜି ସକାଳେ ଛତ୍ରପୁର ଦେଇ ଯାଇଥିବା ଜାତୀୟ ରାଜପଥ ତାମ୍ପରା ହ୍ରଦ ନିକଟରେ ଆଜି ସକାଳେ ଏକ ଗ୍ୟାସ ଟ୍ୟାଙ୍କର ଓଲଟି ପଡ଼ି ଦୁର୍ଘଟଣାଗ୍ରସ୍ତ ହୋଇଥିଲା। ଘନ କୁହୁଡ଼ି ଯୋଗୁ ଏହି ଦୁର୍ଘଟଣା ଘଟିଥିବା କୁହାଯାଉଛି। ଦୁର୍ଘଟଣା ପରେ ଜାତୀୟ ରାଜପଥର ଉଭୟ ପାର୍ଶ୍ଵରେ ଗାଡ଼ିମୋଟର ଚଳାଚଳ ବନ୍ଦ ରହିଛି। ଛତ୍ରପୁର ଜାତୀୟ ରାଜପଥ ତାମ୍ପରା ଗ୍ୟାସ ଟାଙ୍କି ଓଲଟିବା ସ୍ଥଳକୁ ପୁଲିସ କର୍ମଚାରୀ ଉଦ୍ଧାର ପାଇଁ ଯାଉଥିବା ବେଳେ ଠିକ ସେହି ସ୍ଥାନରେ ଆସୁଥିବା ଏକ ଗୋଟିଏ ବାଇକ ଚାଳକ ଚାଳକୁ ବଞ୍ଚାଇବାକୁ ଯାଇ ଭାରସାମ୍ୟ ହରାଇ ଭ୍ୟାନଟି ଓଲଟି ପଡିଛି। ଫଳରେ ଭ୍ୟାନରେ ଥିବା ୫ ପୁଲିସ କର୍ମଚାରୀ ଆହତ ହୋଇଛନ୍ତି। ଆହତ ମାନେ ହେଲେ ସରଜେଣ୍ଟ ସଞ୍ଜୟ ବାରିକ,ଏନ ଘନଶ୍ୟାମ ରେଡି, ଗୋପାଳ ସେଠି, ଚାଲକ ସୁଲେଖ ପ୍ରଧାନ ଓ କିରଣ କୁମାର ଜାନୀ । ତୁରନ୍ତ ସେମାନଙ୍କୁ ଛତ୍ରପୁର ମେଡିକାଲକୁ ନିଆ ଯାଇଥିଲା। ସଞ୍ଜୟ ବାରିକ ଅବସ୍ଥା ଗୁରୁତର ଥିବାରୁ ତାଙ୍କୁ ବ୍ରହ୍ମପୁର ମେଡିକାଲ ପଠାଯାଇଛି।
Comments are closed.