ସଜନା ଫୁଲ ପକୋଡା

ଏହି ଫୁଲ ବାଡିବଗିଚାରେ ସହଜରେ ମିଳିଥାଏ। ବିଶେଷକରି ଟିକେ ଜୋର୍ ବର୍ଷା ହେଲେ ଏହା ବର୍ଷା ମାଡରେ ଝଡିପଡେ। ଏହାକୁ ବ୍ୟବହାର କରି ସୁସ୍ୱାଦୁ ପକୋଡା ପ୍ରସ୍ତୁତ କରିବାର ଉପାୟ ଜାଣନ୍ତୁ।

ଆବଶ୍ୟକ ସାମଗ୍ରୀ:

  • ସଜନା ଫୁଲ ୩କପ୍,
  • ବେସନ ୧କପ୍, ସୁଜି ୨ଚାମଚ,
  • କର୍ନଫ୍ଲୋର ୨ଚାମଚ,
  • ଅଦା ରସୁଣ ପେଷ୍ଟ ୨ଚାମଚ,
  • କଟା ଧନିଆପତ୍ର ଓ ପୋଦିନା ପତ୍ର,
  • ଛୋଟଛୋଟ କଟା ହୋଇଥିବା ୨-୩ଟି କଞ୍ଚାଲଙ୍କା,
  • ଆବଶ୍ୟକତା ଅନୁସାରେ ତେଲ ଓ ଲୁଣ

ପ୍ରସ୍ତୁତି: ସଜନାଫୁଲକୁ ଭଲଭାବେ ବାଛି ପରିଷ୍କାର କରି ଧୋଇଦେବେ। ଗୋଟିଏ ପାତ୍ରରେ ଏହି ଫୁଲ, ବେସନ, କର୍ନଫ୍ଲୋର, ଅଦା ରସୁଣ ପେଷ୍ଟ, କଟା କଞ୍ଚାଲଙ୍କା, ଧନିଆପତ୍ର, ପୋଦିନାପତ୍ର ମିଶାଇ ଆବଶ୍ୟକତା ଅନୁସାରେ ପାଣି ଓ ଲୁଣ ଦେଇ ଗୋଳାଇ ଦିଅନ୍ତୁ। ଏହା ପକୋଡା କରିବା ପରି ବହଳ ହୋଇଥିବା ଜରୁରୀ। କଡେଇରେ ତେଲ ଗରମ କରି ଏହି ମିଶ୍ରଣକୁ ଛୋଟଛୋଟ ପିଆଜି ଆକାରରେ ପକାଇ ଛାଣନ୍ତୁ। ଦୁଇପଟ ଭଲଭାବେ ଛାଣି ହୋଇଗଲେ ବାହାର କରିଦେବେ। ଏବେ ଗରମଗରମ ସଜନା ଫୁଲ ପକୋଡା ଭାତ ସହିତ କିମ୍ବା ସ୍ନାକ୍ସ ଭାବେ ଖାଇବାକୁ ପ୍ରସ୍ତୁତ ହୋଇଗଲା। କଟା ପିଆଜ ଓ ସସ୍ ସହିତ ଏହାକୁ ପରଷି ଦିଅନ୍ତୁ।

Comments
Loading...