ସୁଆଣ୍ଡୋ : ପୁରୀଜିଲା ସତ୍ୟବାଦୀବ୍ଲକ ଅନ୍ତର୍ଗତ ସମସ୍ତ ଚବିଶିଟି ପଞ୍ଚାୟତରେ ରବିବାର ଗଣଦୌଡ଼ କରାଯାଇଛି। ବିଜୁ ଯୁବବାହିନୀର ସଦସ୍ୟମାନଙ୍କ ଦ୍ୱାରା ଏହା ଅନୁଷ୍ଠିତ ହୋଇଛି। ଏହି ପରିପ୍ରେକ୍ଷୀରେ ବିଦ୍ୟାଧର ପୁର ପଞ୍ଚାୟତର ସରପଞ୍ଚ ରଶ୍ମିତା ପ୍ରଧାନଙ୍କ ନେତୃତ୍ୱରେ ବିଜୁ ଯୁବବାହିନୀ ସଭାପତି କୃଷ୍ଣଚନ୍ଦ୍ର ବାରିକ ମା’ଚର୍ଚ୍ଚିକା କ୍ରିଡ଼ା ସାଂସ୍କୃତିକ ସଂଗଠନ ବିଦ୍ୟାଳୟ ଛାତ୍ରଛାତ୍ରୀମାନେ ଗଣଦୌଡ଼ରେ ପଞ୍ଚାୟତ କାର୍ଯ୍ୟାଳୟ ଠାରୁ ବାହାରି ସୁଆଣ୍ଡୋ ଗୋପବନ୍ଧୁଙ୍କ ବାସଭବନ ନିକଟରେ ପହଞ୍ଚିଥିଲେ। ସେହିପରି ସାରଙ୍ଗଯୋଡ଼ି ଜୟପୁର କାଦୁଆ ବଳପୁର ଅଳଗୁମ ମହୁରା ଆଳିଶ ଶ୍ରୀରାମଚନ୍ଦ୍ରପୁର ବିଶ୍ୱନାଥପୁର ରାୟଖଣ୍ଡି ଆଦି ପଞ୍ଚାୟତମାନଙ୍କରେ ଆଜି ଗଣଦୌଡ଼ ଅନୁଷ୍ଠିତ ହୋଇଯାଇଛି। ସରପଞ୍ଚ ପତାକା ହଲାଇ ଏହି ଦୌଡ଼ର ଶୁଭାରମ୍ଭ କରିଥିଲେ। ବ୍ଲକ ଅଧ୍ୟକ୍ଷା ସସ୍ମିତା ପ୍ରଧାନ, ଉପାଧ୍ୟକ୍ଷ ବିକ୍ରମକେଶରୀ ଜେନା, ଆତ୍ମା କମିଟି ସଭାପତି ବେବିଲାଲ ମିଶ୍ର, ଶଙ୍କର ପ୍ରଧାନ, ଜିଲାପରିଷଦ ସଭ୍ୟ ପ୍ରହ୍ଲାଦ ଘଟୁଆରୀ ଦୁଃଶାସନ ପ୍ରଧାନ, ସୁରେଶ କୁମାର ସାହୁ, ପ୍ରକାଶ ଖଟେଇ ପ୍ରମୁଖ ଗଣଦୌଡ଼ରେ ସାମିଲ ହୋଇଥିଲେ।
