ଏକାକୀ ବିମାନରେ ଯାତ୍ରାକଲା ୫ବର୍ଷର ସାହସୀ ଶିଶୁ ; ୩ମାସ ପରେ ଦେଖିଲା ମାଆକୁ

ନୂଆଦିଲ୍ଲୀ : ସାଧାରଣତଃ ଛୋଟ ଛୁଆମାନେ ଘରୁ କୁଆଡେ ଏକା ଯିବାକୁ ଡରିଥାନ୍ତି ନ ହେଲେ ଘରଲୋକେ ଛାଡିବାକୁ ଦେଇ ନ ଥାନ୍ତି। ହେଲେ ଦୀର୍ଘ ଦିନ ବ୍ୟବଧାନେରେ ଆଜିଠାରୁ ବିମାନ ସେବା ଆରମ୍ଭ ହୋଇଛି। ଏହି ସମୟରେ ହଠାତ ଏମିତି ଏକ ଘଟଣା ଘଟିଛି ଯାହା ଆଶ୍ଚର୍ଯ୍ୟ କରିଦେଇଛି। ଜଣେ ପାଞ୍ଚ ବର୍ଷ ଶିଶୁ ଏକାକୀ ବିମାନେରେ ଦିଲ୍ଲୀରୁ ବାଙ୍ଗାଲୋରକୁ ଆସିଥିବା ଘଟଣା ଏବେ ଚର୍ଚ୍ଚାର ବିଷୟ ପାଲଟିଛି। ଏହି ପାଞ୍ଚ ବର୍ଷ ଶିଶୁର ନାମ ହେଉଛି ବିହାନ ଶର୍ମା ।

ସୂଚନା ଅନୁଯାୟୀ, ଦେଶରେ ଲକଡାଉନ ଚାଲିଥିବାରୁ ଘରୋଇ ବିମାନ ସେବା ବନ୍ଦ ରହିଥିଲା ଏବଂ ଲୋକମାନେ ଯାତ୍ରା କରିପାରି ନ ଥିଲେ। ବିହାନଙ୍କ ମାଆ ମଞ୍ଜରୀ ଶର୍ମା କହିଛନ୍ତି ଯେ, ତାଙ୍କ ପୁଅ ଗତ ତିନିମାସ ଧରି ଜେଜେବାପାଙ୍କ ସହ ଦିଲ୍ଲୀରେ ଥିଲେ। ତାଲା ବନ୍ଦ ହେବା ପୂର୍ବରୁ ସେ ଦିଲ୍ଲୀ ଯାଇଥିଲେ ଏବଂ ପରେ ସେଠାରେ ଅଟକି ରହିଥିଲେ। ଆଜିଠାରୁ ଯେତେବେଳେ ଘରୋଇ ବିମାନ ସେବା ଆରମ୍ଭ ହୋଇଥିଲା ବିହାନ ଦିଲ୍ଲୀରୁ ବାଙ୍ଗାଲୋର ଅଭିମୁଖେ ବିମାନରେ ଏକାକୀ ଆସିଥିଲେ। ତାଙ୍କ ମାଆ ତାଙ୍କୁ ଏଠାରେ ଥିବା ଅନ୍ତର୍ଜାତୀୟ ବିମାନବନ୍ଦରରେ ନେବାକୁ ଆସିଥିଲେ। ବିମାନ କର୍ମଚାରୀମାନେ ବିହାନଙ୍କୁ ତାଙ୍କ ମାଆଙ୍କ ନିକଟରେ ପହଞ୍ଚାଇଥିଲେ। ସତର୍କତା ଅବଲମ୍ବନ କରି ସେ ପୁଅକୁ ଆଲିଙ୍ଗନ କରି ନ ଥିବା ଜଣାପଡିଛି। ଘରୋଇ ବିମାନ ଆରମ୍ଭ ହେବା ପରଠାରୁ ଦୁଇଟି ବିମାନ ଦିଲ୍ଲୀରୁ କର୍ଣ୍ଣାଟକ ବିମାନ ବନ୍ଦରରେ ଅବତରଣ କରିଛି। ସେଥିମଧ୍ୟରୁ ଗୋଟିଏରେ ବିହାନ ଶର୍ମା ବସିଥିଲେ ।

Comments
Loading...