୧୨ରୁ ଖଡ଼ଗପୁର-ଯାଜପୁର କେନ୍ଦୁଝର ରୋଡ୍‌ ମଧ୍ୟରେ ସ୍ୱତନ୍ତ୍ର ରେଳ

ଆଜିଠୁ ହାୱଡା- ଭଦ୍ରକକୁ ଚାଲିବ ରେଳ

ଭୁବନେଶ୍ୱର : ୧୨ ତାରିଖରୁ ଖଡଗପୁର ଏବଂ ଯାଜପୁର କେନ୍ଦୁଝର ରୋଡ ମଧ୍ୟରେ ସ୍ୱତନ୍ତ୍ର ରେଳ ଚଳାଚଳ କରିବା ପାଇଁ ରେଳବାଇ ପକ୍ଷରୁ ନିଷ୍ପତ୍ତି ନିଆଯାଇଥିବା ନେଇ ପୂର୍ବତଟ ରେଳପଥ ପକ୍ଷରୁ ସୂଚନା ଦିଆଯାଇଛି। ରେଳ ନଂ ୦୮୦୩୭ ଖଡଗପୁର-ଯାଜପୁର କେନ୍ଦୁଝର ରୋଡ ମଧ୍ୟରେ ସ୍ୱତନ୍ତ୍ର ରେଳ ୧୨ ତାରିଖରୁ ଖଡଗପୁରରୁ ଅପରାହ୍ଣ ୪.୧୫ମିନିଟରେ ଛାଡିବ। ଯାଜପୁର କେନ୍ଦୁଝର ରୋଡରେ ରାତି ୯.୪୦ ମିନିଟରେ ପହଞ୍ଚିବ। ୧୩ ତାରିଖରୁ ଏହି ରେଳ ଯାଜପୁର କେନ୍ଦୁଝର ରୋଡରୁ ଭୋର ୬.୧୦ମିନିଟରେ ଛାଡି ଖଡଗପୁରରେ ପୂର୍ବାହ୍ଣ ୧୧ଟାରେ ପହଞ୍ଚିବ। ଏହି ରେଳରେ ୩ଟି ମୋଟର କାର ଏବଂ ୯ଟି ମେମୁ କୋଚ ଉପଲବ୍ଧ ଥିବାବେଳେ ଏହା ଖଡଗପୁର ଓ ଯାଜପୁର କେନ୍ଦୁଝର ରୋଡ ମଧ୍ୟରେ ଉଭୟ ପାର୍ଶ୍ବରୁ ହିଜଲି, ବେନାପୁର, ନାରାୟଣଗଡ, ବାଖରାବାଦ, ବେଲଦା, ନେକୁରଶେଣୀ, ଦନ୍ତନ, ଆଙ୍ଗୁଆ, ଲକ୍ଷ୍ମଣନାଥ ରୋଡ, ଜଳେଶ୍ୱର, ରାଜଘାଟ, ଅମର୍ଦା ରୋଡ, ବସ୍ତା, ନୂଆଗାଁ, ମୟୂରଭଞ୍ଜ ରୋଡ, ହଳଦୀପଦା, ଟିକିରିପାଲ, ବାଲେଶ୍ୱର, ନୀଳଗିରି ରୋଡ, ଖନ୍ତାପଡା, ପଣପଣା, ବାହାନଗା ବଜାର,ସୋର, ସାବିରା, ମାର୍କୋଣା, ରାଣୀତାଲ, ଭଦ୍ରକ, ବାଉଦପୁର, କପାଳି ରୋଡ, କେଦୁଆପଦା, ମଞ୍ଜୁରୀ ରୋଡ, ଦୁଲାଖାପାଟଣା, ବୈତରଣୀ ରୋଡ ଏବଂ କୋରେଇ ରେଳ ରହଣିସ୍ଥଳରେ ରହଣି କରିବ। ସେହିପରି ଆସନ୍ତାକାଲିଠାରୁ ହାୱଡା ଓ ଭଦ୍ରକ ମଧ୍ୟରେ ସ୍ୱତନ୍ତ୍ର ରେଳ ଚଳାଚଳ କରିବ। ରେଳ ନଂ ୦୮୦୪୩ ହାୱଡା ଓ ଭଦ୍ରକ ମଧ୍ୟରେ ସ୍ୱତନ୍ତ୍ର ରେଳ ହାୱଡାରୁ ଅପରାହ୍ଣ ୩.୪୦ ମିନିଟରେ ଛାଡିବ ଏବଂ ଭଦ୍ରକରେ ରାତି ୧୦.୩୫ମିନିଟରେ ପହଞ୍ଚିବ। ଫେରିବା ଦିଗରେ ରେଳ ନଂ ୦୮୦୪୪ ଭଦ୍ରକ- ହାୱଡା ସ୍ୱତନ୍ତ୍ରରେ ଆସନ୍ତା ୧୦ ତାରିଖରୁ ଭଦ୍ରକରୁ ଭୋର ୪.୫୦ମିନିଟରେ ଛାଡି ହାୱଡାଠାରେ ପୂର୍ବାହ୍ଣ ୧୧.୪୫ମିନିଟରେ ପହଞ୍ଚିବ। ଏହି ରେଳରେ ୧୦ ସାଧାରଣ ଦ୍ୱିତୀୟ ଶ୍ରେଣୀ ଓ ଦୁଇଟି ଗାର୍ଡ ତଥା ଲଗେଜ ଭ୍ୟାନ ଉପଲବ୍ଧ ରହିଛି। ଏହି ରେଳ ହାୱଡା ଭଦ୍ରକ ମଧ୍ୟରେ ଥିବା ରେଳ ରହଣିସ୍ଥଳ ଗୁଡିକରେ ରହଣି କରିବ।

Comments are closed.