ଆମେରିକାରେ ବ୍ୟାପିଛି ପୁଣି ଏକ ନୂଆ ରୋଗ ; ୩୪ଟି ରାଜ୍ୟରେ ୪୦୦ରୁ ଅଧିକ ଅସୁସ୍ଥ, ରୋଗର କାରଣ ପିଆଜ !

ନୂଆଦିଲ୍ଲୀ : କରୋନା ଭୂତାଣୁ ପରେ ଆମେରିକାର ଅନେକ ରାଜ୍ୟରେ ନୂଆ ରୋଗ ବ୍ୟାପିବାରେ ଲାଗିଛି। ବର୍ତ୍ତମାନ ପର୍ଯ୍ୟନ୍ତ ଆମେରିକାର ୩୪ଟି ରାଜ୍ୟରେ ୪୦୦ରୁ ଅଧିକ ଲୋକ ଏହି ରୋଗରେ ଅସୁସ୍ଥ ହୋଇପଡିଛନ୍ତି। ଲାଲ ଏବଂ ହଳଦିଆ ପିଆଜ ଏହି ରୋଗର କାରଣ ବୋଲି କୁହାଯାଉଛି। ଲାଲ ଏବଂ ହଳଦିଆ ପିଆଜରୁ ସଲମାନେଲା ବ୍ୟାକ୍ଟେରିଆ ଏହି ନୂଆ ରୋଗ ସଂକ୍ରମଣର ମୁଖ୍ୟ କାରଣ। ଆମେରିକାର ସ୍ୱାସ୍ଥ୍ୟ ସଂଗଠନ କେନ୍ଦ୍ର ରୋଗ ନିୟନ୍ତ୍ରଣ ଏବଂ ନିରାକରଣ (ସିଡିସି) ଲୋକଙ୍କୁ ସତର୍କତା ଅବଲମ୍ବନ କରିବାକୁ ଏବଂ ପିଆଜ ଖାଇବାରେ ସତର୍କ ରହିବାକୁ ଚେତାବନୀ ଦେଇଛି।

Salmonella Outbreak Update: Don’t eat, serve or sell recalled onions from Thomson International or food made from these onions. Check the list of brand names to see if you have recalled onions: https://t.co/1uvWO6f6cZ pic.twitter.com/U5ORm1d5V0

— CDC (@CDCgov) August 3, 2020

କାନାଡାରେ ମଧ୍ୟ ସଲମାନେଲା ବ୍ୟାକ୍ଟେରିଆ ଦ୍ବାରା ସଂକ୍ରମଣ ବ୍ୟାପିବାରେ ଲାଗିଛି। ଏହା ଦ୍ବାରା ଏପର୍ଯ୍ୟନ୍ତ ୬୦ ଜଣ ଆକ୍ରାନ୍ତ ​‌ହୋଇ କାନାଡା ଡାକ୍ତରଖାନାରେ ଭର୍ତ୍ତି ହୋଇଛନ୍ତି।

ସଲମାନେଲା ବ୍ୟାକ୍ଟେରିଆ କାରଣରୁ ଅଧିକାଂଶ ୬୫ ବର୍ଷରୁ ଅଧିକ ବୟସ୍କ ବ୍ୟକ୍ତିଙ୍କଠାରେ ଏହି ରୋଗ ଦେଖାଯାଏ। ଡାଇରିଆ, ଜ୍ୱର ଏବଂ ପେଟ ଯନ୍ତ୍ରଣା ଏହି ରୋଗର ଲକ୍ଷଣ। ଏହି ଲକ୍ଷଣଗୁଡିକ ୬ ଘଣ୍ଟାରୁ ୬ ଦିନ ମଧ୍ୟରେ ଯେକୌଣସି ସମୟରେ ଦେଖାଯାଇପାରେ।