ପ୍ରାକ୍ ନିଲାମ ବୈଠକରେ ଜିଏମଆର୍ ସହ ୨୦ କମ୍ପାନୀ
ନୂଆଦିଲ୍ଲୀ : ନୂଆଦିଲ୍ଲୀ ରେଳ ଷ୍ଟେସନ୍କୁ ହାତେଇବାକୁ ଯାଉଛି ଆଦାନୀ ଗ୍ରୁପ। କାରଣ କେନ୍ଦ୍ର ସରକାର ଏବେ ଏହି ରେଳ ଷ୍ଟେସନ୍ର ନବୀକରଣ କରିବାକୁ ଅଣ୍ଟା ଭିଡିଛନ୍ତି। ନୂଆଦିଲ୍ଲୀ ରେଳ ଷ୍ଟେସନ୍କୁ ନେବା ନେଇ ହେଉଥିବା ଦୌଡରେ ଆଦାନୀ ଗ୍ରୁପ ଆଗରେ ରହିଥିବା ଜଣାଯାଇଛି। ଏଥିପାଇଁ ଇତି ମଧ୍ୟରେ ପ୍ରାକ୍ ନିଲାମ ବୈଠକ ଅନୁଷ୍ଠିତ ହୋଇଯାଇଛି। ଆଦାନୀ ବ୍ୟତୀତ ଜିଏମ୍ଆର୍ ଗ୍ରୁପ ମଧ୍ୟ ଏହି ଦୌଡରେ ଅନ୍ୟତମ ଦାବିଦାର ରହିଛି। ଅନୁଷ୍ଠିତ ପ୍ରାକ୍ ନିଲାମ ବୈଠକରେ ଆଦାନୀ ଏବଂ ଜିଏମ୍ଆର୍କୁ ମିଶାଇ ୨୦ ଘରୋଇ ଏବଂ ଅନ୍ତର୍ଜାତୀୟ କମ୍ପାନୀ ଅଂଶଗ୍ରହଣ କରିଥିଲେ। ରେଳ ଜମି ବିକାଶ କର୍ତ୍ତୃପକ୍ଷ (ଆର୍ଏଲ୍ଡିଏ) ପକ୍ଷରୁ ଏହି ବୈଠକ କରାଯାଇଥିଲା। ନୂଆଦିଲ୍ଲୀ ରେଳ ଷ୍ଟେସନ୍ର ବିକାଶରେ ସରକାର ୬୫୦୦ କୋଟି ଟଙ୍କା ବ୍ୟୟ କରିବେ। ଚାରି ବର୍ଷରେ ଏହାର ପୁନଃନିର୍ମାଣ କାର୍ଯ୍ୟ ସମ୍ପୂର୍ଣ୍ଣ କରାଯିବ। ସରକାର ଏହି ଷ୍ଟେସନ୍ର ଭିତ୍ତିଭୂମି ଏବଂ ବିଭିନ୍ନ ଯାତ୍ରୀ ସୁବିଧାରେ ଉନ୍ନତି ଘଟାଇ ଏହାକୁ ଏକ ମଲ୍ଟି ମଡେଲ ହବ୍ରେ ପରିଣତ କରିବାକୁ ଲକ୍ଷ୍ୟ ରଖିଛନ୍ତି। ଏଥିରେ ଘରୋଇ ଅପରେଟର ଷ୍ଟେସନ୍ର ୫ ଲକ୍ଷ ବର୍ଗମିଟର ଏବଂ ଏହାର କମର୍ସିଆଲ ଅଞ୍ଚଳର ୨.୬ ଲକ୍ଷ ବର୍ଗମିଟର ଅଞ୍ଚଳର ବିକାଶ ଘଟାଇବେ।
Comments are closed.