ରାଜ୍ୟରେ ୮୭୩୫ ନୂଆ ସଂକ୍ରମିତ ଚିହ୍ନଟ; ଖୋର୍ଦ୍ଧାରୁ ସର୍ବାଧିକ ୧୨୨୨; ଦିନକରେ ୩୭ ମୃତ

ଭୁବନେଶ୍ୱର: ଗତ ୨୪ ଘଣ୍ଟା ମଧ୍ୟରେ ଓଡ଼ିଶାରେ ୮୭୩୫ ନୂଆ କରୋନା ସଂକ୍ରମିତଙ୍କୁ ଚିହ୍ନଟ କରାଯାଇଛି। ସେମାନଙ୍କ ମଧରେ ଖୋର୍ଦ୍ଧା ଜିଲାରୁ ସର୍ବାଧିକ ୧୨୨୨ ଜଣ ଆକ୍ରାନ୍ତ ଥିବା ଜଣାଯାଇଛି। ଚିହ୍ନଟ ନୂଆ ସଂକ୍ରମିତଙ୍କ ମଧ୍ୟରୁ ସଂଗରୋଧରୁ ୪୮୯୨ ଏବଂ ସ୍ଥାନୀୟ ସଂକ୍ରମିତ ୩୮୪୩ ଜଣ ରହିଛନ୍ତି। ସେହିଭଳି ଦିନକ ମଧ୍ୟରେ ରାଜ୍ୟରେ ୩୭ ଜଣ କରୋନା ସଂକ୍ରମିତଙ୍କର ମୃତ୍ୟୁ ଘଟିଛି।
ଏଥିସହିତ ରାଜ୍ୟରେ କରୋନା ଜନିତ ମୋଟ ମୃତ୍ୟୁସଂଖ୍ୟା ୨୭୯୧କୁ ବୃଦ୍ଧିପାଇଛି।  ଚିହ୍ନଟ ହୋଇଥିବା ନୂଆ ଆକ୍ରାନ୍ତଙ୍କ ମଧ୍ୟରେ ଅନୁଗୁଳ ଜିଲାରୁ ୪୫୬, ବାଲେଶ୍ୱର ୫୬୬, ବରଗଡ ୧୯୩, ଭଦ୍ରକ ୧୪୭, ବଲାଙ୍ଗୀର ୪୯, ବଉଦ ୧୩୭, କଟକ ୬୭୩, ଦେବଗଡ ୬୩ ଏବଂ ଢେଙ୍କାନାଳ ଜିଲାରୁ ୫୦୩ ଜଣ ରହିଛନ୍ତି। ସେହିଭଳି ଗଜପତିରୁ ୮୦, ଗଞ୍ଜାମ ୧୫୬, ଜଗତସିଂହପୁର ୩୮୨, ଯାଜପୁର ୫୦୭, ଝାରସୁଗୁଡା ୧୫୭, କଳାହାଣ୍ଡି ୧୭୭, କନ୍ଧମାଳ ୬୫, କେନ୍ଦ୍ରାପଡା ୩୮୭, କେନ୍ଦୁଝର ୧୭୯, କୋରାପୁଟ ୨୫୫, ମାଲକାନଗିରି ୯୬, ମୟୁରଭଞ୍ଜ ୩୪୨, ନବରଙ୍ଗପୁର ୨୬୪, ନୟାଗଡ ୨୮୫, ନୂଆପଡା ୪୦, ପୁରୀ ୪୬୭, ରାୟଗଡା ୯୦, ସମ୍ବଲପୁର ୧୭୭, ସୋନପୁର ୧୫୬, ସୁନ୍ଦରଗଡ ୨୪୪ ଏବଂ ଷ୍ଟେଟପୁଲରୁ ୨୨୦ ଜଣ ଚିହ୍ନଟ ହୋଇଛନ୍ତି। ରାଜ୍ୟରେ ସଂପ୍ରତି ମୋଟ ୮୯୯୫୬ ସକ୍ରିୟ ସଂକ୍ରମିତ ରହିଥିବା ଜଣାଯାଇଛି।

Comments
Loading...