ଗତ ୨୪ ଘଣ୍ଟାରେ ରାଜ୍ୟରେ ୬୯୯୮ ନୂଆ କରୋନା ସଂକ୍ରମିତ; ଖୋର୍ଦ୍ଧାରୁ ସର୍ବାଧିକ ୯୧୯ ଆକ୍ରାନ୍ତ

ଭୁବନେଶ୍ୱର: ରାଜ୍ୟରେ ଗୋଟିଏ ଦିନରେ ୬୯୯୮ ନୂଆ କରୋନା ସଂକ୍ରମିତ ଚିହ୍ନଟ ହୋଇଛନ୍ତି। ସେମାନଙ୍କ ମଧ୍ୟରୁ ସଂଗରୋଧରୁ ୪୦୫୪ ଜଣ ଏବଂ ସ୍ଥାନୀୟ ସଂକ୍ରମିତ ୨୯୪୪ ଜଣ ଚିହ୍ନଟ ହୋଇଛନ୍ତି। ଖୋର୍ଦ୍ଧାରୁ ସର୍ବାଧିକ ୯୧୯ ଜଣ ନୂଆ ସଂକ୍ରମିତଙ୍କୁ ଚିହ୍ନଟ କରାଯାଇଛି। ରାଜ୍ୟରେ ମୋଟ ସଂକ୍ରମିତଙ୍କ ସଂଖ୍ୟା ୪ ଲକ୍ଷ ୩୫ ହଜାର ୫୧୩କୁ ବୃଦ୍ଧିପାଇଥିବାବେଳେ ସେମାନଙ୍କ ମଧ୍ୟରୁ ୩ ଲକ୍ଷ ୭୫ ହଜାର ୭୨୧ ଜଣ ସୁସ୍ଥ ହୋଇସାରିଛନ୍ତି। ସଂପ୍ରତି ୫୭,୭୧୦ ଜଣ ସକ୍ରିୟ ସଂକ୍ରମିତ ରହିଛନ୍ତି।
ଗତ ୨୪ ଘଣ୍ଟା ମଧ୍ୟରେ କଟକରୁ ୫୧୭, ସୁନ୍ଦରଗଡ ୪୭୪, ନୂଆପଡା ୪୨୦, ଗଜପତିରୁ ୧୨୧, ନୟାଗଡ ୧୨୧, ଜଗତସିଂହପୁର ୧୦୪, କେନ୍ଦୁଝର ୧୬୦, ସୁବର୍ଣ୍ଣପୁର ୧୩୧, ଗଞ୍ଜାମ ୧୨୮, ଯାଜପୁର ୨୨୬, ରାୟଗଡାରୁ ୧୮୧ ଜଣ ନୂଆ ସଂକ୍ରମିତ ଚିହ୍ନଟ ହୋଇଛନ୍ତି। ଏହି ସମୟ ମଧ୍ୟରେ ରାଜ୍ୟସ୍ତରରୁ ୧୮୧ ଜଣ ସଂକ୍ରମିତଙ୍କୁ ଚିହ୍ନଟ କରାଯାଇଛି। ସେହିଭଳି ପୁରୀରୁ ୨୮୮, ନବରଙ୍ଗପୁର ୨୫୫, ବଲାଙ୍ଗିର ୨୩୬, ଝାରସୁଗୁଡା ୩୯୬, ବରଗଡ ୩୩୦, ଅନୁଗୁଳରୁ ୩୨୫ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି। ଏଥିସହିତ ସମ୍ବଲପୁର ୩୨୩, ମୟୁରଭଞ୍ଜ ୩୦୮, କଳାହାଣ୍ଡିରେ ୨୯୨ ଜଣ ଚିହ୍ନଟ ହୋଇଛନ୍ତି।

Comments
Loading...