ନେମାଳ : ଶ୍ରୀ ଅଚ୍ୟୁତ ବ୍ୟବସାୟୀ ସଂଘ ନେମାଳ ବଜାର ଆନୁକୂଲ୍ୟରେ ଚଳିତ ବର୍ଷ ରାତ୍ରରେ ଭସାଣୀ ଉତ୍ସବ ଅନୁଷ୍ଠିତ ହୋଇଯାଇଛି। ଉକ୍ତ ବଜାରର ୨ଟି ପୂଜା ମଣ୍ଡପରେ ମାଆ ଲକ୍ଷ୍ମୀ ଓ ବରାହ ନୃଶିଘ ଠାକୁରଙ୍କ ମୃଣ୍ମୟମୂର୍ତ୍ତୀ ପୂଜା ପାଇଥିବା ବେଳେ ଆକର୍ଷଣୀୟ ସାଜସଜା ହୋଇଥିଲା। ବ୍ୟବସାୟୀ ସଂଘ ଆନୁକୂଲ୍ୟରେ ସାଂସ୍କୃତିକ କାର୍ଯ୍ୟକ୍ରମ ହୋଇଥିଲା। ମହାପୁରୁଷ ଅଚ୍ୟୁତାନନ୍ଦଙ୍କ ପୀଠ ନିକଟରୁ ସମସ୍ତ ମେଢକୁ ଶୋଭାଯାତ୍ରାରେ ନିଆଯାଇଥିଲା। ଉକ୍ତ ଭଷାଣୀ ଉତ୍ସବରେ ଆତସବାଜି ,ଆଲୋକ ଓ ବିଭିନ୍ନ ବାଦ୍ୟ ସାଙ୍ଗକୁ ଡିଜେ ଦେଖେଣାହାରିଙ୍କୁ ବେସ ଆନନ୍ଦ ଦେଉଥିବାର ଦେଖାଯାଇଥିଲା। ଶେଷରେ ଚିତ୍ରୋତ୍ପଳା ନଦୀରେ ମେଢ ଗୁଡିକୁ ବିସର୍ଜନ କରାଯାଇଥିଲା।। ନେମାଳ ଥାନା ଅଧିକାରୀ ପ୍ରଭାତ କୁମାର ମଲିକ ଓ ପୁଲିସ ପ୍ରଶାସନର ହସ୍ତକ୍ଷେପ ଦ୍ୱାରା ବିଭିନ୍ନ ପୂଜା ମଣ୍ଡପର ଦେବା ଦେବୀ ମେଢ ବିସର୍ଜନ ହୋଇଥିବା ବେଳେ ରାସ୍ତା ପରିଷ୍କାର ହୋଇଥିଲା। ଉକ୍ତ ଭସାଣୀ ଉତ୍ସବକୁ ବ୍ୟବସାୟୀ ସଂଘର ସଭାପତି ସୁଧାଂଶୁ ଶେଖର ମହାପାତ୍ର, ସମ୍ପାଦକ ବିମଲ କୁମାର ଦାସ, ଉପସଭାପତି ଧନେଶ୍ୱର ସାହୁ, ସହସଂପାଦକ ସନାତନ ସାହୁ, କୋଷା୍ମକ୍ଷ ସୋମନାଥ ସାହୁ,ରମେଶ ଚନ୍ଦ୍ର ବେହେରା, ରମେଶ ନାଥ, ଭାଗବତ ପ୍ରଧାନ, ଅଭିମନ୍ୟୁ ଦାସ, ରବିନ୍ଦ୍ରନାଥ ବାରିକ ପ୍ରମୁଖଙ୍କ ସମେତ ବ୍ୟବସାୟୀ ସଂଘର ଉପଦେଷ୍ଟା ହରେକୃଷ୍ଣ ପୂଝାରୀ, ଅଜୟ କୁମାର ପୃଷ୍ଟି, ଧୀରେନ୍ଦ୍ର ପୃଷ୍ଟି ଏବଂ ବଜାରର ସମସ୍ତ ବ୍ୟବସାୟୀ ବନ୍ଧୁ ଓ ଆଖପାଖ ଅଞ୍ଚଳର ବହୁ ଜନସାଧାରଣ ଉପସ୍ଥିତ ରହି ଏହି ଭସାଣୀ ଉତ୍ସବକୁ ପରିଚାଳନା କରିଥିଲେ।
