‘ନିଟ୍‌’: ୧୨ ମୁଖ୍ୟମନ୍ତ୍ରୀଙ୍କୁ ଷ୍ଟାଲିନଙ୍କ ପତ୍ର

ଚେନ୍ନଇ: ଡାକ୍ତରୀ ପାଠ୍ୟକ୍ରମ ପାଇଁ ନ୍ୟାସନାଲ ଟେଷ୍ଟିଂ ଏଜେନ୍ସି (ଏନ୍‌ଟିଏ) ଦ୍ବାରା ପରିଚାଳିତ ପ୍ରବେଶିକା ପରୀକ୍ଷା ‘ନିଟ୍‌’ରୁ ଓହରିଯିବା ପାଇଁ ତାମିଲନାଡୁ ମୁଖ୍ୟମନ୍ତ୍ରୀ ଏମ୍‌.କେ ଷ୍ଟାଲିନ ୧୨ ରାଜ୍ୟର ମୁଖ୍ୟମନ୍ତ୍ରୀଙ୍କୁ ପତ୍ର ଲେଖିଛନ୍ତି। ତାଙ୍କ ସରକାର ନିଟ୍‌ରୁ ଓହରି ଯିବା ପାଇଁ ଗତ ମାସରେ ବିଧାନସଭାରେ ସଂକଳ୍ପ ଗୃହୀତ କରାଇଛନ୍ତି। ଏହାକୁ ସମର୍ଥନ ପାଇଁ ସେ ଆନ୍ଧ୍ରପ୍ରଦେଶ, ତେଲଙ୍ଗାନା, ଛତିଶଗଡ଼, ଦିଲ୍ଲୀ, ଝାଡ଼ଖଣ୍ଡ, ଓଡ଼ିଶା, କେରଳ, ମହାରାଷ୍ଟ୍ର, ପଶ୍ଚିମବଙ୍ଗ, ପଞ୍ଜାବ, ରାଜସ୍ଥାନ, ଗୋଆ ଆଦି ରାଜ୍ୟର ମୁଖ୍ୟମନ୍ତ୍ରୀଙ୍କୁ ନିବେଦନ କରିଛନ୍ତି।

 

ସମ୍ବିଧାନରେ ଶିକ୍ଷା ରାଜ୍ୟ ତାଲିକାଭୁକ୍ତ ଥିବାବେଳେ କେନ୍ଦ୍ର ଏଥିରେ ହସ୍ତକ୍ଷେପ କରୁଛି। ଏତଦ୍‌ ବ୍ୟତୀତ ନିଟ୍‌ ମାଧ୍ୟମରେ ବହୁ ଆର୍ଥିକ ଦୁର୍ବଳ ଛାତ୍ରଛାତ୍ରୀ ନାମ ଲେଖାଇବାରେ ସଫଳ ହୋଇପାରୁ ନାହାନ୍ତି। କେବଳ ବିପୁଳ ଅର୍ଥ ବ୍ୟୟରେ ତାଲିମ ନେଉଥିବା ସହରୀ ପିଲା ଏଥିରେ ସଫଳତା ହାସଲ କରୁଛନ୍ତି। ଏ.କେ ରାଜନ କମିଟି ଏହା ଉପରେ ବିସ୍ତୃତ ତଥ୍ୟ ରଖିଥିବା ସେ ଦର୍ଶାଇଛନ୍ତି। ଏହି ପରିପ୍ରେକ୍ଷୀରେ ଡିଏମ୍‌କେ ସାଂସଦମାନେ ସମ୍ପୃକ୍ତ ୧୩ ରାଜ୍ୟର ମୁଖ୍ୟମନ୍ତ୍ରୀ ଓ ସାଂସଦଙ୍କୁ ଭେଟିବେ ବୋଲି ସେ ଏଥିରେ ଉଲ୍ଲେଖ କରିଛନ୍ତି। ପୂର୍ବରୁ ମହାରାଷ୍ଟ୍ର ପ୍ରଦେଶ କଂଗ୍ରେସ କମିଟି ପକ୍ଷରୁ ଏହି ମର୍ମରେ ମୁଖ୍ୟମନ୍ତ୍ରୀ ଉଦ୍ଧବ ଠାକ୍‌ରେଙ୍କୁ ଚିଠି ଲେଖାଯାଇଥିଲା।

Comments
Loading...