ଜାତୀୟ ରାଜପଥ କର୍ତ୍ତୃପକ୍ଷଙ୍କ ଦୃଷ୍ଟି ପଡୁ…..ପୋଲ ନିର୍ମାଣ ୩ ମାସ ନପୁରୁଣୁ ଉଠିଲା କଂକ୍ରିଟ

ହରଭଙ୍ଗା : ବୌଦ୍ଧ-କନ୍ଧମାଳ ସୀମାନ୍ତରେ ଥିବା ଗେଟାମୁଣ୍ଡା ନୂତନ ପୋଲ ନିର୍ମାଣ କାର୍ଯ୍ୟ ଜାତୀୟ ରାଜପଥ ବିଭାଗ ପକ୍ଷରୁ ଗତ ୩ ମାସ ତଳେ ଶେଷ ହୋଇଛି। ମାତ୍ର ପୋଲ ନିର୍ମାଣ କାର୍ଯ୍ୟ ଅତ୍ୟନ୍ତ ନମ୍ନମାନର ଯୋଗୁଁ  ୩ ମାସ ନପୁରୁଣୁ ଛାତର ବହୁ ସ୍ଥାନରୁ କଂକ୍ରିଟ ଫାଟି ଆଁ କରିବା ସହିତ  ବଡ ଗର୍ତ ସୃଷ୍ଟି ହୋଇ ଲୁହାରଡ ଦେଖାଯାଉଛି। ଫଳରେ ପୋଲ ନିର୍ମାଣର ସ୍ଥାୟୀତ୍ୱ ଉପରେ ପ୍ରଶ୍ନ ଉଠିଛି।

ପ୍ରକାଶ ଯେ, ବୌଦ୍ଧ-କନ୍ଧମାଳ ସୀମାନ୍ତରେଥିବା ଗେଟାମୁଣ୍ଡା ନୂତନ ପୋଲ ନିର୍ମାଣ କାର୍ଯ୍ୟ ଏ.ଆର.ଏସ.ଏସ ନାମକ ଠିକାସଂସ୍ଥା ପକ୍ଷରୁ କରାଯାଇଛି। ମାତ୍ର ଧାର୍ଯ୍ୟ ସମୟ ମଧ୍ୟରେ ଠିକାସଂସ୍ଥା ଏହାର ନିର୍ମାଣକାର୍ଯ୍ୟ ଶେଷ କରି ନପାରିବାରୁ ବର୍ଷା ଦିନେ ବୌଦ୍ଧ-ଫୁଲବାଣୀକୁ ଯାତାୟତ ବାଧାପ୍ରାପ୍ତ ହେଉଥିଲା। ବାରମ୍ବାର ଦାବି ପରେ ଗତ କିଛି ମାସ ତଳେ ଏହାର ନିର୍ମାଣ କାର୍ଯ୍ୟ ଶେଷ ହୋଇଥିଲେ ମଧ୍ୟ ପୋଲ ଛାତରୁ ବହୁସ୍ଥାନରେ କଂକ୍ରିଟ ଫାଟି ଆଁ କରିବା ସହିତ ଲୁହାଛଡ ବାହାରି ପଥଚାରୀଙ୍କ ପାଇଁ ଦୁର୍ଘଟଣାର କାରଣ ପାଲଟିଛି। ଅତ୍ୟନ୍ତ ନିମ୍ନମାନର କାମ ଯୋଗୁଁ ଏଭଳି ହୋଇଥିବା କୁହାଯାଉଛି। ଜାତୀୟ ରାଜପଥ କର୍ତ୍ତୃପକ୍ଷ ଦୃଷ୍ଟି ଦେବାକୁ ସାଧାରଣରେ ଦାବି ଉଠୁଛି।

Comments
Loading...