ସୁଆଣ୍ଡୋ : ଆଉ ଗାଁ ମାନଙ୍କରେ ଦେଖିବାକୁ ମିଳୁନାହାନ୍ତି ନାଥ ଯୋଗୀ । ତାଙ୍କ ତୁଣ୍ଡର ଭଜୁ କିନା ରାମ ନାମରେ କୁମର… ଗୀତ ଶୁଣିବାକୁ ମିଳୁନି। ରବିବାର ଗୋଟିଏ ଗ୍ରାମରେ ଜନୈକ ଇନ୍ଦ୍ରମଣି ନାଥଙ୍କ ଗୀତ ଶୁଣି ତାଙ୍କୁ ଭେଟିଥିଲୁ । ସେ କୁହନ୍ତି – ପନ୍ଦର ବର୍ଷ ବୟସରୁ ବାପାଙ୍କ ସହିତ ଏହି ବୃତ୍ତି କରି ଟିକା ଗୋବିନ୍ଦଚନ୍ଦ୍ର ଗୀତ ଗାଇ ଆସୁଛି। ଏବେ ମତେ ସତୁରି ବର୍ଷ ବୟସ। ଗୋଟିଏ ବୋଲି ପୁଅ। ସେ କୌଳିକ ବୃତ୍ତି କରିବାକୁ ମନା କରିଦେଲା। ଲାଉ ତୁମ୍ବା, ଆଶାବାଡି ଧରି ଗେରୁଆ ଲୁଗା ପିନ୍ଧି ଗାଁ କୁ ଗାଁ ବୁଲି ଏହି ବୃତ୍ତି କରି ଆସୁଛନ୍ତି। ଚାଉଳ ପଇସା ପରିବା ଆଦି ଯିଏ ଯାହା ଦେଲା ତାକୁ ଆଦରରେ ଗ୍ରହଣ କରିଥାନ୍ତି। ଗାଁ ଚାହାଳିରେ ତାଙ୍କର ବର୍ଣ୍ଣ ପରିଚୟ ହୋଇଛି ବୋଲି କହନ୍ତି। ସହସ୍ରାଧିକ ମାନସିକ ଶିଶୁଙ୍କୁ ଦୀକ୍ଷା ଦେଇଛି। କୂଳର ପିଲାମାନେ ନିଜର କୌଳିକ ବୃତ୍ତିକୁ ଆପଣେଇବାକୁ ଅନିଚ୍ଛୁକ। ଯାହା ଜଣାଗଲେଣି ଏହି ଯୋଗୀ ପରମ୍ପରା ଆଉ ଗୋବିନ୍ଦଚନ୍ଦ୍ର ଗୀତର ସ୍ୱର କୁ ଭିଡିଓ ରେକର୍ଡିଙ୍ଗ କରି ରଖାଯିବ। ଭବିଷ୍ୟତ ପିଢି ଏହାକୁ ଦେଖି କହିବେ ଆମ ଓଡିଶାରେ ନାଥଯୋଗୀ ଗୀତ ଏହିପରି ରହିଥିଲା। ସଂସ୍କୃତି ବିଭାଗ ପକ୍ଷରୁ ତାଙ୍କୁ କଳାକାର ଭତ୍ତା ମିଳିନି ବୋଲି କହନ୍ତି। ସେ ପୁରୀ ଜିଲା ନିମାପଡ଼ା ବ୍ଲକ ଅନ୍ତର୍ଗତ ମିଟେଇ ପୁର ଗ୍ରାମ ବାସିନ୍ଦା ବୋଲି କହିଥିଲେ ।
Comments are closed.