ମୁମ୍ବଇ : ବଲିଉଡର ବରିଷ୍ଠ ଅଭିନେତା ନସିରୁଦ୍ଧିନ ଶାହ ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲିଙ୍କୁ କଡା ସମାଲୋଚନା କରିଛନ୍ତି। ପୂର୍ବରୁ କୋହଲି ଏକ କ୍ରିକେଟ ପ୍ରଶଂସକଙ୍କୁ ଭାରତ ଛାଡିବା ପାଇଁ କହିଥିଲେ। ଯାହାକୁ ନେଇ ନସିରୁଦ୍ଧିନ ଶାହ ବିରୋଧ ଆରମ୍ଭ କରିଛନ୍ତି।
ନସିରୁଦ୍ଧିନ ନିଜର ଫେସବୁକ ଆକାଉଣ୍ଟରେ ଲେଖିଛନ୍ତି ‘ବିରାଟ କୋହଲି ବିଶ୍ୱର ଭଲ ବ୍ୟାଟ୍ସମ୍ୟାନ ହେବା ସହ ଖରାପ ବ୍ୟବହାର କରୁଥିବା ଖେଳଳି ମଧ୍ୟ। ତାଙ୍କର କ୍ରିକେଟ କ୍ଷମତା ଖରାପ ବ୍ୟବହାର ଆଗରେ ଫିକା ପଡିଯାଉଛି। ମୋର କାହାକୁ ଦେଶ ଛାଡିବାକୁ କହିବା ଉଦେଶ୍ୟ ନୁହେଁ।’
ସୂଚନାଯୋଗ୍ୟ ଯେ ଏକ ଭିଡିଓରେ ଜଣେ ପ୍ରଶଂସକ ଭାରତୀୟ ଖେଳାଳିଙ୍କ ବ୍ୟତୀତ ଇଂଲଣ୍ଡ ଓ ଅଷ୍ଟ୍ରେଲିଆ ଖେଳାଳିଙ୍କ ଖେଳ ପସନ୍ଦ କହିବାରୁ ବିରାଟ ତାଙ୍କୁ ଦେଶ ଛାଡିବା ପାଇଁ କହିଥିଲେ। ସେହି ସମୟରେ କୋହଲିଙ୍କୁ ବହୁତ ଆଲୋଚନା ହୋଇଥିଲା। କିନ୍ତୁ ଏହି ଘଟଣାକୁ ବହୁତ ଦିନ ବିତିଯାଇଥିଲେ ମଧ୍ୟ ନସିରୁଦ୍ଧିନଙ୍କ ଏହି ପୋଷ୍ଟକୁ ନେଇ ବହୁ ଆଲୋଚନା କରାଯାଉଛି।
