ରାସ୍ତା ନିର୍ମାଣର ମାନକୁ ନେଇ ଗ୍ରାମବାସୀଙ୍କ ତୀବ୍ର ବିରୋଧ

ନର୍ଲା : ନର୍ଲା-ମ.ରାମପୁର ରାଜ୍ୟ ରାଜପଥ ବାଗ୍‍ପୁର ଗାଁ ନିକଟରୁ କୁସୁମାଲ୍‍ ଯାଏଁ ପ୍ରାୟ ୬ କିଲୋମିଟର ତିଆରି ହେଉଛି ପିଚୁରାସ୍ତା। ପ୍ରାୟ କୋଟିଏରୁ ଊର୍ଦ୍ଧ୍ବ ସରକୀର ଅର୍ଥ ରାଶିରେ ନିର୍ମାଣାଧିନ ଏହି ରାସ୍ତା କାମକୁ ଆଜି ବାଗ୍‍ପୁର,କୁସୁମାଲ୍‍
ଓ ଖଇରମାଲ୍‍ ଗ୍ରାମବାସୀ ମିଳିତ ହୋଇ ବନ୍ଦ କରିଛନ୍ତି। ତେବେ ଏହାର କାରଣ ହେଲା ରାସ୍ତାର ମାନ। ରାସ୍ତାର ନିର୍ମାଣ ଯେଉଁ ମାନରେ ହେବା କଥା ତାହା ନହୋଇ ଅତ୍ୟନ୍ତ ନିମ୍ନ ମାନର ହେଉଛି ବୋଲି ଗ୍ରାମବାସୀ ମାନେ ଅଭିଯୋଗ କରିଛନ୍ତି। ତେବେ ଏ ସଂକ୍ରାନ୍ତରେ ଗ୍ରାମ୍ୟ ଉନ୍ନୟନ କର୍ତୃପକ୍ଷଙ୍କୁ ଅଭିଯୋଗ କରାଯାଇଛି ଓ ରାସ୍ତା ବନ୍ଦ କରିବାକୁ ଅନୁରୋଧ କରାଯାଇଛି। ବିଭାଗୀୟ କର୍ତୃପକ୍ଷ ଆମ ସମ୍ମୁଖରେ କାମ ବନ୍ଦ କରାଯିବ ବୋଲି କହିଥିବା ସତ୍ୱେ ଆଜି ପୁଣି କାମ ଆରମ୍ଭ କରା ଯାଇଛି ବୋଲି ଗ୍ରାମବାସୀ ଅଭିଯୋଗ କରିଛନ୍ତି।

ନିମ୍ନମାନର ମେଟାଲ,ମୁରୁମ୍‍ ମାଟି ବଦଳରେ ମାଟି ପକେଇ ଠିକ ଭାବେ କମ୍ପ୍ରେସ୍‍ ନକିରି ତରବରିଆ ଭାବରେ କାହିଁକି ରାସ୍ତା ନିର୍ମାଣ କରାଯାଉଛି ବୋଲି ଗ୍ରାମବାସୀ ଅଭିଯୋଗ କରିଛନ୍ତି। ଅନ୍ୟପଟେ ଆମେ କାମର ମାନକୁ ନେଇ ପ୍ରଶ୍ନ ଉଠେଇବାରୁ ପୁଲିସ ଆମକୁ ଥାନାକୁ ଆସିବାକୁ ଡାକୁଛି। ପୁଲିସର ହସ୍ତକ୍ଷେପକୁ ନେଇ ଗ୍ରାମବାସୀ ମଧ୍ୟରେ ଅଶାନ୍ତି ଓ ତିକ୍ତତା ବୃଦ୍ଧି ପାଇଛି। ପୁଲିସ ଆମର ସବୁ ଦିନର ଲୋକ ନୁହେଁ କି ଠିକାଦାର ଆମ ପାଇଁ ସ୍ଥାୟୀ ନୁହନ୍ତି ,ହେଲେ ସ୍ଥାୟୀ ଓ ଚିରସାଥିୀ ଆମ ଗାଁ ରାସ୍ତା। ଆମେ ଅନାଦି କାଳରୁ ଏହି ରାସ୍ତା ଦେଇ ଯିବା ଆସିବା କରୁଛୁ।

ବହୁ ଦିନ ପରେ ସରକାର ଏହି ରାସ୍ତାର ବିକାଶ ପାଇଁ ଅର୍ଥ ଖର୍ଚ୍ଚ କରୁଛନ୍ତି ତେଣୁ ଏହି ସୁଯୋଗକୁ ଆମେ ହାତ ଛଡା କରିବୁ ନାହିଁ ବୋଲି ଗ୍ରାମବାସୀ ମତ ପ୍ରକାଶ କରିଛନ୍ତି। ଯଦି କାମ ଆଗେଇବାକୁ ଚାହୁଁ ଥିଲେ ରାସ୍ତା ନିର୍ମାଣର ମାନ ପ୍ରତି ନିର୍ମାତା ଧ୍ୟାନ ଦିଅନ୍ତୁ ବୋଲି ସେମାନେ ଦାବୀ କରିଛନ୍ତି। ତେବେ ଏ ସଂକ୍ରାନ୍ତରେ ଗ୍ରାମ୍ୟ ଉନ୍ନୟନ ବିଭାଗର ଉପଖଣ୍ଡୀୟ ଅଧିକାରୀ ଜୟ ପ୍ରକାଶ ସୋରେନଙ୍କୁ ପଚାରିବାରୁ ସେ ଗ୍ରାମବାସୀଙ୍କ ଅଭିଯୋଗ ବିଷୟରେ ଅବଗତ ହୋଇଛନ୍ତି ଓ ଉକ୍ତ କାମକୁ ପରିଶୋଧନ କରିବା ପାଇଁ ସଂପୃକ୍ତ ଠିକାଦାରଙ୍କୁ ଅବଗତ କରାଯାଇଛି ବୋଲି ପ୍ରକାଶ କରିଛନ୍ତି। ଅନ୍ୟ ପକ୍ଷରେ ଠିକାଦର ଆକାଶ ଅଗ୍ରୱାଲ ଗ୍ରାମବାସୀ କାମ ବନ୍ଦ କରିବା ଠିକ୍‍ ହୋଇନାହିଁ ବରଂ କାମକୁ ବନ୍ଦ ନକରି କାମରେ ସହଯୋଗ କରିବା ଉଚିତ୍‍ ବୋଲି ମତ ରଖିଛନ୍ତି।

Comments
Loading...