ପ୍ରବାସୀ ଶ୍ରମିକଙ୍କ ପାଇଁ କର୍ମସଂସ୍ଥାନ ବ୍ୟବସ୍ଥା ଜରୁରୀ – ନରସିଂହ

ବଲାଙ୍ଗିର/ଚୁଡାପାଲି: ବଲାଙ୍ଗିର ବିଧାୟକ ନରସିଂହ ମିଶ୍ର ବଲାଙ୍ଗିର ବ୍ଲକ ଚୁଡାପାଲି ଠାରେ ଅନୁଷ୍ଠିତ ହୋଇଥିବା ବିଭିନ୍ନ କାର୍ଯ୍ୟକ୍ରମରେ ଯୋଗ ଦେଇ ଅନୁସୂଚିତ ଜନଜାତି ଓ ଅନୁସୁଚିତ ଜାତି ଉନ୍ନୟନ ବିଭାଗ ଦ୍ୱାରା ପରିଚାଳିତ ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟର ସୁବର୍ଣ୍ଣ ଜୟନ୍ତୀ ଅବସରରେ ନବନର୍ମିତ ତୋରଣର ଉଦଘାଟନ କରିଛନ୍ତି। ପରେ ସେ ଏସ୍‍ସି ଏସ୍‍ଟି ବିଜ୍ଞାନ (ଯୁକ୍ତ ଦୁଇ) ମହାବିଦ୍ୟାଳୟର ନିର୍ମାଣଧିନ କୋଠାର ତଦାରଖ କରିବା ସହ ସେହିପରି ସଦର ବ୍ଲକ ବିଡିଓଙ୍କ ଉପସ୍ଥିତିରେ ଭୁଣ୍ଡିମୁହାଣ, ମାୟାବର୍ହା, ଚୁଡାପାଲି ପଞ୍ଚାୟତରେ ହୋଇଥିବା ଉନ୍ନୟନ କାର୍ଯ୍ୟର ସମୀକ୍ଷା କରିଥିଲେ।

କରୋନା ଯୋଗୁ ବହୁ ପ୍ରବାସୀ ଶ୍ରମିକ ଆୟ ପନ୍ଥା ହରାଇଥିବା ଦୃଷ୍ଟିରୁ ଏହାକୁ ଧ୍ୟାନ ଦେଇ ସେହି ଶ୍ରମିକମାନଙ୍କ ପାଇଁ କର୍ମସଂସ୍ଥାନ ବ୍ୟବସ୍ଥା କରିବା ପାଇଁ ସେ ସଂପୃକ୍ତ ବିଭାଗର ଅଧିକାରୀମାନଙ୍କୁ ତାଗିଦ କରିଥିଲେ। ସଙ୍ଗରୋଧ କେନ୍ଦ୍ରରେ ରହିବା ପରେ ଘରକୁ ଫେରିଥିବା ଶ୍ରମିକମାନଙ୍କୁ ସରକାରଙ୍କ ଦ୍ୱାରା ଦିଆଯାଉଥିବା ଆର୍ଥିକ ସହାୟତା, ପ୍ରଧାନମନ୍ତ୍ରୀ ଆବାସ ଯୋଜନା କାର୍ଯ୍ୟାଦେଶ ବିଧାୟକ ବଣ୍ଟନ କରିଥିଲେ। ସେହିପରି ଶେଷରେ ଯୁକ୍ତ ଦୁଇ ବିଜ୍ଞାନ ମହାବିଦ୍ୟାଳୟ ପରିସରରେ ବିଧାୟକ ଶ୍ରୀ ମିଶ୍ର ବୃକ୍ଷରୋପଣ କରିଥିଲେ।

Comments
Loading...