ମହିମାମଣିଙ୍କ ହେବ ନାଗାର୍ଜୁନ ବେଶ 

ବାଙ୍କୀ/ଡମପଡ଼ା : ଉପଖଣ୍ଡ ସ୍ଥିତ ରଗଡି ଗ୍ରାମରେ ବିଜେ କରିଥିବା ମହିମାମଣି ଦେବଙ୍କ ନାଗାର୍ଜୁନ ବେଶ ଅନୁଷ୍ଠିତ ହେବ । ବାଙ୍କୀ ରାଜାଙ୍କ ଦ୍ୱାରା ପ୍ରତିଷ୍ଠା କରାଯାଇଥିବା ଏହି ମନ୍ଦିରର ବିଶେଷତ୍ୱ ମଧ୍ୟରେ ଅନ୍ୟମନ୍ଦିର ଭଳି ଚତୁର୍ଦ୍ଧା ମୂର୍ତ୍ତିଙ୍କୁ ପୂଜା କରାନଯାଇ କେବଳ ଜଗନ୍ନାଥଙ୍କ ବିଗ୍ରହକୁ ମହିମାମଣି ରୂପରେ ପୂଜା କରାଯାଇଥାଏ ଏବଂ ମହିମାମଣିଙ୍କ ବିଗ୍ରହ ଆକାର ପୁରୀରେ ପୂଜା ପାଉଥିବା ବିଗ୍ରହଙ୍କ ଠାରୁ ବଡ଼ ବୋଲି ଶ୍ରଦ୍ଧାଳୁମାନେ ମତଦେଇଥାନ୍ତି ।

ଚଳିତ ମାସରେ ମହାପ୍ରଭୁ ମହିମାମଣିଙ୍କ ନାଗାର୍ଜୁନ ବେଶ ପଡୁଥିବାରୁ ମନ୍ଦିର ପ୍ରଶାସନ ପକ୍ଷରୁ ପ୍ରାୟତଃ ସମସ୍ତ ପ୍ରସ୍ତୁତି ଶେଷ ପର୍ୟ୍ୟାୟରେ ପହଞ୍ଚିଛି । ଏହି ପବିତ୍ର କାର୍ତ୍ତିକ ପଞ୍ଚୁକ ଅବସରରେ ନାଗାର୍ଜୁନ ବେଶ ଅନୁଷ୍ଠିତ ହେବାକୁ ଯାଉଥିବା ବେଳେ ପୁରୀ ଏବଂ କଟକରୁ ମହିମାମଣିଙ୍କ ଲାଗି ନିର୍ମାଣ କରାଯାଇଥିବା ସମସ୍ତ ଅଙ୍ଗଲାଗି ବେଶ ଆସିବ ବୋଲି ଜଣାପଡିଛି । ମ୍ୟାନେଜିଙ୍ଗ୍ ଟ୍ରଷ୍ଟି ଭ୍ରୁଗୁରାମ ରାଉତଙ୍କ ତତ୍ତ୍ବାବଧାନରେ ମନ୍ଦିର ପରିସରରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିବା ବେଳେ ବାଙ୍କୀ ରାଜା ସାହେବ ଦୁର୍ଗାମାଧବ ଶ୍ରୀଚନ୍ଦନ ମହାପାତ୍ର, ରାଜଗୁରୁ ଶ୍ୟମା ସୁନ୍ଦର ମହାପାତ୍ରଙ୍କ ସମେତ ଗ୍ରାମବାସୀ ଏବଂ ମନ୍ଦିର ସେବାୟତମାନଙ୍କୁ ନେଇ ଏକ ପ୍ରସ୍ତିତି ବୈଠକ ମନ୍ଦିର ପରିସରରେ ଅନୁଷ୍ଠିତ ହୋଇଯାଇଥିଲା । କୋଭିଡ କଟକଣା ଅନୁଯାୟୀ ଆସନ୍ତା ୨୭ ତାରିଖରେ କିଭଳି ନାଗାର୍ଜୁନ ବେଶକୁ ସୂଚାରୁରୂପେ କରାଯାଇ ପାରିବ ସେ ନେଇ ସମସ୍ତ ଆଲୋଚନା କରାଯାଇଥିବା ଜଣାପଡିଛି ।

Comments
Loading...