ନବରାତ୍ରର ଅଷ୍ଟମଦିନ : ମା’ମହାଗୌରୀଙ୍କର ହୋଇଥାଏ ପୂଜାର୍ଚ୍ଚନା

ଆଜି ନବରାତ୍ରର ମହାଷ୍ଟମୀ ପର୍ବ। ଏହାକୁ ଦୁର୍ଗାଷ୍ଟମୀ ମଧ୍ୟ କୁହାଯାଏ। ନବରାତ୍ରର ଅଷ୍ଟମ ଦିନ ଦେବୀ ଦୁର୍ଗାଙ୍କର ଅଷ୍ଟମ ସ୍ୱରୂପ ମା’ମହାଗୌରୀଙ୍କର ପୂଜାର୍ଚ୍ଚନା କରାଯାଇଥାଏ। ମା’ଙ୍କ ଉପାସନା ଦ୍ୱାରା ଆର୍ଥିକ ସମସ୍ୟା ଦୂର ହୋଇଥାଏ ଖୁବ ଶୁଭଫଳ ପ୍ରାପ୍ତି ହୋଇଥାଏ। ଏହା ବ୍ୟତୀତ ନବରାତ୍ରର ଅଷ୍ଟମୀତିଥିରେ ମହାଗୌରୀଙ୍କ ଆରାଧନାରେ ବ୍ୟକ୍ତିଙ୍କୁ ସୁଖ-ସମୃଦ୍ଧି, ସୌଭାଗ୍ୟ ପ୍ରାପ୍ତି ହୋଇଥାଏ।
ମା’ଙ୍କ ରଙ୍ଗ ଖୁବ ସୁନ୍ଦର। ତେଣୁ ତାଙ୍କ ନାମ ମହାଗୌରୀ। ମା’ଙ୍କ ପୂଜାର୍ଚ୍ଚନାରେ ସମସ୍ତ ପାପ ନାଶ ହୋଇଥାଏ। ଦୁଃଖ, ଦରିଦ୍ର ଓ କଷ୍ଟରୁ ମୁକ୍ତି ମିଳିଥାଏ। ମା’ଙ୍କ ପୂଜାରେ ଜାତକ ଦୋଷ ଦୂର ହୋଇଥାଏ। ବିବାହରେ ଥିବା ସମସ୍ୟାକୁ ଦୂର କରିବା ପାଇଁ ମହାଗୌରୀଙ୍କ ପୂଜା କରାଯାଇଥାଏ। ମା’ଙ୍କ ପୂଜା କରିବା ଦ୍ୱାରା ଜାତକରେ ଶୁକ୍ରଗ୍ରହ ମଜଭୂତ ହେବା ସହ ଦାମ୍ପତ୍ୟ ଜୀବନ ସୁଖମୟ ହୋଇଥାଏ। ପାରିବାରିକ କଳହ ଦୂର ହୋଇଥାଏ।
ମା’ଙ୍କୁ ପୂଜାର୍ଚ୍ଚନାର ବିଧି – ମହାଷ୍ଟମୀ ଦିନ ପ୍ରାତଃ ସମୟରେ ଉଠି ସ୍ନାନ ସାରି ମା’ଙ୍କୁ ପ୍ରତିମାକୁ ନୂତନ ବସ୍ତ୍ର ପିନ୍ଧାନ୍ତୁ। ସମ୍ପୂର୍ଣ୍ଣ ବିଧିବିଧାନ ପୂର୍ବକ ମା’ଙ୍କୁ ପୂଜା କରନ୍ତୁ। ମା’ଙ୍କୁ ଲାଲ ଫୁଲ ଅର୍ପଣ କରିବା ସହ ଖିରୀ, ହାଲୱା, ମିଠା ଆଦି ଭୋଗ କରନ୍ତୁ।

 

Comments are closed.