ଉପକାରାଗାରରେ ବିଚାରଧୀନ କଏଦୀଙ୍କ ମୃତ୍ୟୁ

ନବରଙ୍ଗପୁର: ନବରଙ୍ଗପର ଉପକାରାଗାରରେ ବିଚାରଧୀନ କଏଦୀଙ୍କ ମୃତ୍ୟୁ ହୋଇଥିବା ଜଣାପଡ଼ିଛି। ନବରଙ୍ଗପର ଉପକାରାଗାରରେ ବିଚାରଧୀନ କଏଦୀ ଅସୁସ୍ଥ ହୋଇପଡ଼ିବାରୁ ତାଙ୍କୁ ନବରଙ୍ଗପୁର ମୁଖ୍ୟ ଚିକିତ୍ସାଳୟରେ ଚିକିତ୍ସା ପାଇଁ ସୋମବାର ଭର୍ତ୍ତି କରାଯାଇଥିଲା ଏବଂ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ହୋଇଥିବା ସୂଚନା ଦିଆଯାଇଛି।

ମୃତ କଏଦୀ ଜଣକ ହେଲେ କୋଡ଼ିଙ୍ଗା ଥାନା ଅନ୍ତର୍ଗତ ଦଶାପାଇଗୁଡ଼ା ଗାଁର ରାମଧର ଭତରା। କୋଡ଼ିଙ୍ଗା ଥାନାର କେସ ନମ୍ବର ୦୬/୨୧ରେ ଜଣେ ନାବାଳିକାଙ୍କୁ ଦୁଷ୍କର୍ମ କରିଥିବା ଅଭିଯୋଗରେ ପୋସ୍କ ଆକ୍ଟରେ ଜାନୁୟାରୀ ୨୨ରୁ ନବରଙ୍ଗପୁର ଉପ କାରାଗାରରେ ଜଣେ ବିଚାରଧୀନ କଏଦୀ ଭାବରେ ଜେଲରେ ରହିଆସୁଥିଲା। ରବିବାରଠାରୁ ସେ ଝାଡା ହେଉଥିଲେ। ସେ ବାରମ୍ବାର ଝାଡ଼ା ଯାଉଥିଲେ। ସୋମବାର ସକାଳେ ଜେଲ କତୃପକ୍ଷ ତାଙ୍କୁ ନବରଙ୍ଗପୁର ମୁଖ୍ୟ ଡାକ୍ତରଖାନରେ ଭର୍ତ୍ତି କରାଇ ଚିକିତ୍ସା କରାଇଥିଲେ। ତେବେ ସୋମବାର ରାତିରେ ତାଙ୍କର ଚିକିତ୍ସାଧୀନ ଅବସ୍ଥାରେ ସେଠାରେ ମୁତ୍ୟୁ ହୋଇଯାଇଥିଲା।
ଜେଲ କର୍ତ୍ତୃପକ୍ଷ, ପୁଲିସ ପ୍ରଶାସନ ଓ ନବରଙ୍ଗପୁର ତହସିଲଦାରଙ୍କ ଉପସ୍ଥିତିରେ କଏଦୀଙ୍କ ଶବ ବ୍ୟବଚ୍ଛେଦ ପରେ ପରିବାରକୁ ଶବ ହସ୍ତାନ୍ତର କରାଯିବ ବୋଲି ସୂଚନା ମିଳିଛି।