ନବରଙ୍ଗପୁର: ନବରଙ୍ଗପୁର ଉପକାରାଗାରରେ ଏକ ହତ୍ୟାମାମଲାରେ ଦୋଷୀ ସାବ୍ୟସ୍ତ ହୋଇ ଆଜୀବନ କାରାଦଣ୍ଡ ଭୋଗୁଥିବା ଜଣେ ଅଭିଯୁକ୍ତ ଦେବ ନାୟକଙ୍କର ଖଲାସକୁ ପ୍ରତିବାଦ କରି ମୃତ ଟଙ୍କଧରଙ୍କ ପତ୍ନୀ କୈାଶଲ୍ୟା ବିଷୋୟୀ ଜିଲାପାଳଙ୍କୁ ଭେଟି ପୁନର୍ବାର ଜେଲଦଣ୍ଡରେ ଦଣ୍ଡିତ କରିବାକୁ ଅନୁରୋଧ କରି ଲିଖିତ ଭାବେ ଜଣାଇଛନ୍ତିି। ଗତ ୨୦୦୬ ମସିହା ମେ ୬ ତାରିଖ ଦିନ ପାପହାହାଣ୍ଡିଥାନା ଅନ୍ତର୍ଗତ ବାରିଗୁଡା ଗ୍ରାମର ଟଙ୍କଧର ବିଷୋୟୀଙ୍କୁ ସେହିଗ୍ରାମର ଦେବନାୟକ ଟାଙ୍ଗିଆରେ ହାଣି ହତ୍ୟା କରିଥିଲେ। ଏହି ମାମଲା ସିଟି ନମ୍ବର- ୯୨/୦୬ ପ୍ରକାରେ ନବରଙ୍ଗପୁର ଅତିରକ୍ତ ଜିଲାଜଜ୍ ଅଭିଯୁକ୍ତ ଦେବ ନାୟକଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରିଥିଲେ। ଟଙ୍କଧର ଙ୍କର ମୃତ୍ୟୁ ପରେ ତାଙ୍କର ପରିବାରର ସଂସାର ଉଜୁଡି ଯାଇଛି। ଅତ୍ୟନ୍ତ ଦୟନୀୟ ଭାବେ କାଳାତିପାତ କରୁଛନ୍ତି। ହତ୍ୟାକାରୀର ପରିବାର ସହିତ ତାଙ୍କର ପରିବାରର ସବୁବେଳେ କଳହ ଲାଗି ରହିଛି। ଏହି ପରିସ୍ଥିତିରେ ଗତ ଜୁଲାଇ ୨୦ ତାରିଖରେ ନରହତ୍ୟାକାରୀ ଦେବ ନାୟକଙ୍କୁ ଜେଲରୁ ଖଲାସ କରାଯାଇଛି। ଏହାକୁ ନେଇ ସେ ଦୃଢନିନ୍ଦା କରିବା ସହ ତିବ୍ର ଅସନ୍ତୁଷ୍ଟ ପ୍ରକାଶ କରିଛନ୍ତି।
ବର୍ତ୍ତମାନ ଅଶାନ୍ତି ବଢିବ ଓ ପ୍ରତିମୁହୁର୍ତ୍ତରେ ତାଙ୍କର ପରିବାରର ବିପଦ ବଢିବ। ତାଙ୍କର ପରିବାରର ସମସ୍ତ ଲୋକ ଆତ୍ମହତ୍ୟା କିମ୍ବା ଭିଟାମାଟି ଛାଡି ପଳାୟନ କରିବା ଛଡା ଅନ୍ୟ କୈାଣସି ବାଟନାହିଁ। ଏଣୁ ଏହାର ବିଚରଣା କରି ଏହି ମାମଲାର ପୁନର୍ବିଚାର କରି ଆସାମୀଙ୍କୁ ପୁନର୍ବାର ଜେଲକୁ ପଠାଇବା ନିମନ୍ତେ ନିବେଦନ କରିଛନ୍ତି। ଏହାର ନକଲ ଏସ୍ପିଙ୍କୁ ପ୍ରଦାନ କରିଛନ୍ତି।
Comments are closed.