ମୁଜଫରପୁର ବାଳିକା ଆଶ୍ରୟସ୍ଥଳ ମାମଲା: ବ୍ରଜେଶ ଠାକୁରଙ୍କ ବିରୋଧରେ ସଙ୍ଗୀନ ଅଭିଯୋଗ ଆଣିଲେ ମଧୁ

0

ପାଟନା: ମୁଜଫରପୁର ବାଳିକା ଆଶ୍ରୟସ୍ଥଳ ବଳାତ୍କାର ଓ ହତ୍ୟା ମାମଲାର ତଦନ୍ତ କରୁଥିବା ସିବିଆଇ ଅନ୍ୟତମ ଅଭିଯୁକ୍ତ ସାଇସ୍ତା ପରବିନ ଓରଫ ମଧୁଙ୍କୁ ରିମାଣ୍ଡରେ ଆଣି ପଚରାଉଚରା କରିଛି। ବାଳିକା ଗୃହରୁ ନିରୁଦ୍ଦିଷ୍ଟ ତଥା ହତ୍ୟା କରାଯାଇ ଥିବା ବାଳିକା ସମ୍ପର୍କରେ ଖୋଳତାଡ଼ କରିବାକୁ ମଧୁଙ୍କୁ ଜେରା କରିଛି ସିବିଆଇ। ଏହି ଘଟଣା ସମ୍ପର୍କରେ ବ୍ରଜେଶ ଠାକୁରଙ୍କୁ ତତ୍କାଳୀନ ସମାଜ କଲ୍ୟାଣ ଅଧିକାରୀ ଓ ସ୍ଥାନୀୟ ପୁଲିସ ଅଧିକାରୀ ସହଯୋଗ କରିଥିବା ମଧୁ ସ୍ୱୀକାର କରିଛନ୍ତି। ମଧୁଙ୍କଠାରୁ ମିଳିଥିବା ତଥ୍ୟକୁ ଭିତ୍ତି କରି ସିବିଆଇ ସମାଜ କଲ୍ୟାଣ କର୍ମଚାରୀଙ୍କୁ ମଧ୍ୟ ପଚରାଉଚରା ଆରମ୍ଭ କରିଛି।
ଜିଲାର ସରକାରୀ କାର୍ଯ୍ୟାଳୟରେ ବ୍ରଜେଶଙ୍କ ସୁସମ୍ପର୍କ ଥିଲା। ଏହି ଅନୈତିକ କାର୍ଯ୍ୟରେ ବ୍ରଜେଶଙ୍କ ମାଧ୍ୟମରେ ସେମାନେ ମଧ୍ୟ ସମ୍ପୃକ୍ତ ଥିଲେ। ବ୍ରଜେଶ ତାଙ୍କ ନିଜ ଲୋକଙ୍କୁ ସମାଜ କଲ୍ୟାଣ କାର୍ଯ୍ୟାଳୟରେ ନିୟୋଜିତ କରିଥିଲେ। ଏହି କର୍ମଚାରୀମାନେ ବ୍ରଜେଶଙ୍କ କାରନାମା ଜାଣିଶୁଣି ଲୁଚାଇ ଦେଉଥିଲେ। ମଧୁଙ୍କ ତଥ୍ୟକୁ ଭିତ୍ତି କରି ସିବିଆଇ ସରକାରୀ କର୍ମଚାରୀଙ୍କ ତାଲିକା ପ୍ରସ୍ତୁତ କରିଛି।
ସିବିଆଇ ଟାର୍ଗେଟରେ ଏବେ ବାଲ କଲ୍ୟାଣ ସମିତି ଅଧ୍ୟକ୍ଷ ଦିଲ୍ଲୀପ ବର୍ମା ରହିଛନ୍ତି। ମୁଜାଫରପୁର ମାମଲା ସାମ୍ନାକୁ ଆସିବା ପରଠାରୁ ଦିଲ୍ଲୀପ ଫେରାର ଅଛନ୍ତି। ଦିଲ୍ଲୀପଙ୍କୁ ଗିରଫ କରିବାକୁ ସିବିଆଇ ତାଙ୍କ ନିକଟତମ ଲୋକଙ୍କୁ ପଚରାଉଚରା କରୁଛନ୍ତି। ଦିଲ୍ଲୀପ ସମ୍ପର୍କରେ ମଧୁଙ୍କ ନିକଟରୁ ମଧ୍ୟ ତଥ୍ୟ ସଂଗ୍ରହ କରିଛି ସିବିଆଇ।

Leave A Reply