ଟିଡିଏସ୍ ଦାଖଲରେ ବିଳମ୍ବ : ଚଳଚ୍ଚିତ୍ର ନିର୍ଦେଶକଙ୍କୁ ବର୍ଷେ ଜେଲ୍ଦଣ୍ଡ
ମୁମ୍ବଇ : ଉତ୍ସରୁ ଟିକସ ବାଦ୍ (ଟିଡିଏସ୍) ଦାଖଲରେ ଘଟିଛି ବିଳମ୍ବ। ଏଥିପାଇଁ କରଦାତାଙ୍କ ଉପରେ ଲାଗିଛି କଠୋର ଦଣ୍ଡାଦେଶ। ଟିଡିଏସ୍ ଦାଖଲରେ ବିଳମ୍ବ କରିଥିବା ନେଇ ମୁମ୍ବଇର ଜନୈକ ଚଳଚ୍ଚିତ୍ର ନିର୍ଦେଶକଙ୍କ ଉପରେ ବାଲାର୍ଡ ପାଏର ମାଜିଷ୍ଟ୍ରେଟ୍ କୋର୍ଟ ୧ ବର୍ଷ ଜେଲ ଦଣ୍ଡ ଲଗାଇଛନ୍ତି। ପୂର୍ବରୁ ଏହିଭଳି ଭୂଲ ପାଇଁ ଦୋଷୀଙ୍କୁ ୬ ମାସ ଜେଲ ଦଣ୍ଡ ଦିଆଯାଇଥିବା ନଜିର ରହିଛି। ଫୁଟ୍ କ୍ୟାଣ୍ଡେଲ୍ସ ଫିଲ୍ମ ପ୍ରାଇଭେଟ୍ ଲିିମିଟେଡ୍ର ନୀରବ ଦମା ୨୫ ଲକ୍ଷ ଟଙ୍କାର ଟିଡିଏସ୍ ଦାଖଲ କରିବାରେ ବିଳମ୍ବ କରିଥିବା ନେଇ ଦୋଷୀ ସାବ୍ୟସ୍ତ ହୋଇଥିଲେ। ଯଦିବା ୨୦୦୯-୧୦ରେ କମ୍ପାନୀ ଦ୍ବାରା ଏହି ଟିଡିଏସ୍ ବାବଦ ଅର୍ଥ କଟାଯାଇଥିଲା ତଥାପି ଏହାକୁ ଦାଖଲ କରିବାରେ ବିଳମ୍ବ ଘଟିଥିଲା। କମ୍ପାନୀରେ ଅହେତୁକ କ୍ଷତି ଯୋଗୁ ଟିଡିଏସ୍
ବାବଦ ଅର୍ଥକୁ ଦାଖଲ କରିବାରେ ବିଳମ୍ବ ହୋଇଥିବା ନେଇ ଫୁଟ୍ କ୍ୟାଣ୍ଡେଲ୍ସ ଫିଲ୍ମ ପ୍ରାଇଭେଟ୍ ଲିିମିଟେଡ୍ କୋର୍ଟଙ୍କୁ ଜଣାଇଥିଲା। ତେବେ କୋର୍ଟ କମ୍ପାନୀର ଏହି ଆବେଦନକୁ ଖାରଜ କରିଦେଇଥିଲେ। କୋର୍ଟଙ୍କ କହିବାନୁଯାୟୀ, ଟିଡିଏସ୍ ଅର୍ଥ ହେଉଛି ସରକାରୀ ଅର୍ଥ, ଏହାକୁ ବ୍ୟକ୍ତିଗତ କାର୍ଯ୍ୟରେ ବ୍ୟବହାର କରାଯାଇପାରିବ ନାହିଁ। ଏପରିକି ଯଦିବା କମ୍ପାନୀ ୨୦୦୮-୦୯ଠାରୁ କ୍ଷତିର ସମ୍ମୁଖୀନ ହେଉଛି ତାହାର ବ୍ୟବସାୟ ବନ୍ଦ େହାଇନାହିଁ। ତେବେ କମ୍ପାନୀରେ ଦେଖାଦେଇଥିବା ଆର୍ଥିକ ସଙ୍କଟ କିମ୍ବା କ୍ଷତି ଟିଡିଏସ୍ ଦାଖଲରେ ବିଳମ୍ବ ପାଇଁ ପର୍ଯ୍ୟାପ୍ତ କାରଣ ନୁହେଁବୋଲି ଅତିରିକ୍ତ ମୁଖ୍ୟ ମେଟ୍ରୋପଲିଟାନ ମାଜିେଷ୍ଟ୍ରଟ୍ ଇରଫାନ୍ ରେହମନ୍ ଶେଖ୍ କହିଛନ୍ତି।
Comments are closed.