ସାମଜ ପୋର୍ଟାଲ ଡେସ୍କ : ଭାରତୀୟ କ୍ରିକେଟ୍ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀ ଶନିବାର ଅନ୍ତର୍ଜାତୀୟ କ୍ରିକେଟରୁ ହଠାତ୍ ଅବସର ଘୋଷଣା କରିଛନ୍ତି। ଧୋନୀଙ୍କ ଅବସର ପରେ ତାଙ୍କ ପତ୍ନୀ ସାକ୍ଷୀ ଇନଷ୍ଟାଗ୍ରାମରେ ଏକ ଭାବପ୍ରବଣ ପୋଷ୍ଟ ସେୟାର କରିଛନ୍ତି। ସାକ୍ଷୀ ତାଙ୍କ ପୋଷ୍ଟ ମାଧ୍ୟମରେ ଭାରତୀୟ କ୍ରିକେଟକୁ ଧୋନୀଙ୍କ ଅବଦାନ ଏବଂ ବ୍ୟକ୍ତିତ୍ୱକୁ ଅଭିବାଦନ ଜଣାଇଛନ୍ତି। ସାକ୍ଷୀ ଇନଷ୍ଟାଗ୍ରାମରେ ଧୋନୀଙ୍କ ଏକ ଚିତ୍ର ସେୟାର କରିଛନ୍ତି, ଯେଉଁଥିରେ ମାହୀ ତାଙ୍କ ଫାର୍ମହାଉସରେ ଅଛନ୍ତି।
ଧୋନି ଅବସର ନେବାକୁ ନିଷ୍ପତ୍ତି ନେବା ପରେ ସାକ୍ଷୀ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଧୋନୀଙ୍କର ଏକ ଫଟୋ ସେୟାର କରି ଫଟୋର କ୍ୟାପସନରେ ସେ ଲେଖିଛନ୍ତି, ‘ତୁମେ ଯାହା ହାସଲ କରିଛ ସେଥିପାଇଁ ତୁମେ ଗର୍ବିତ ହେବା ଉଚିତ୍ । ଭାରତୀୟ କ୍ରିକେଟକୁ ତୁମର ଶ୍ରେଷ୍ଠ ପ୍ରଦାନ କରିଥିବାରୁ ଅଭିନନ୍ଦନ । ମୁଁ ତୁମର ସଫଳତା ପାଇଁ ଗର୍ବିତ । ମୁଁ ନିଶ୍ଚିତ ଯେ ତୁମର ପ୍ରିୟ କ୍ରିକେଟକୁ ବିଦାୟ କହିବା ପାଇଁ ନିଜର ଲୁହକୁ ନିଜ ଭିତରେ ଲୁଚେଇ ଦେଇଥିବ । ତମକୁ ସ୍ବାସ୍ଥ୍ୟ, ଖୁସି ଓ ଭବଷ୍ୟତ ପାଇଁ ଶୁଭକାମନା । ଧନ୍ୟବାଦ ଏମଏସଡି ।
ଏଥି ସହିତ ଧୋନୀଙ୍କ ପତ୍ନୀ ସାକ୍ଷୀ ଆମେରିକାର ପ୍ରସିଦ୍ଧ କବି ମାୟା ଆଞ୍ଜେଲୋଙ୍କ କବିତାର ଏକ ଧାଡି ଲେଖି ଧୋନିଙ୍କ ପାଇଁ ଏହି ଆକର୍ଷଣୀୟ ବାର୍ତ୍ତା ଲେଖିଛନ୍ତି। ସେ ଲେଖିଛନ୍ତି, ‘ତୁମେ ଯାହା କହିଥିଲ ଲୋକମାନେ ଭୁଲିଯିବେ, ତୁମେ ଯାହା କରିଛ ଲୋକମାନେ ଭୁଲିଯିବେ, କିନ୍ତୁ ଲୋକମାନଙ୍କୁ ତୁମେ ଯେଉଁ ଅନୁଭବ ଦେଇଛ ତାହା ସେମୋନେ କେବେ ଭୁଲି ପାରିବେ ନାହିଁ।
Comments are closed.