କୋଲକାତା: ପ୍ରଖ୍ୟାତ ଚଳଚ୍ଚିତ୍ର ତଥା ଟେଲିଭିଜନ ଅଭିନେତା ମୃଣାଳ ମୁଖାର୍ଜୀଙ୍କ ପରଲୋକ ଘଟିଛି। କୋଲକାତାର ଏକ ଘରୋଇ ହସ୍ପିଟାଲରେ ମଙ୍ଗଳବାର ୭୪ ବର୍ଷ ବୟସରେ ତାଙ୍କର ମୃତ୍ୟୁ ଘଟିଛି। ସେ ଦୀର୍ଘଦିନ ଧରି କର୍କଟ ଏବଂ ଜଣ୍ଡିସ ରୋଗରେ ଆକ୍ରାନ୍ତ ଥିଲେ। ଅଭିନୟ ପ୍ରତି ତାଙ୍କର ରୁଚି, ପ୍ରବଳ ଉତ୍ସାହ ଏବଂ ଭଲପାଇବା ଥିବା ହେତୁ ସେ ଅସୁସ୍ଥ ଥାଇ ମଧ୍ୟ ନିଜର କାର୍ଯ୍ୟଧାରା ଜାରି ରଖିଥିଲେ। ଗତ ସୋମବାର ତାଙ୍କ ସ୍ବାସ୍ଥ୍ୟାବସ୍ଥା ହଠାତ ବିଗିଡ଼ି ଯାଇଥିଲା। ଫଳରେ ତାଙ୍କୁ ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା।
ଲୋକପ୍ରିୟ ଅଭିନେତ୍ରୀ ତଥା ଗାୟିକା ଜୋଜୋଙ୍କ ପିତା ହେଉଛନ୍ତି ମୃଣାଳ ମୁଖାର୍ଜୀ। ଉଭୟେ ବଙ୍ଗଳା ଚଳଚ୍ଚିତ୍ର ଜଗତରେ ବେଶ୍ ଚର୍ଚ୍ଚିତ ଚେହେରା। ବହୁମୁଖୀ ପ୍ରତିଭାର ଅଧିକାରୀ ମୃଣାଳ ଚାଟାର୍ଜୀ ଜଣେ ମହାନ ଗାୟକ ମଧ୍ୟ। ସେ ୧୯୫୫ରେ ଜଣେ ଶିଶୁ କଳାକାର ଭାବେ ଅଭିନୟ ଜଗତରେ ପାଦ ଦେଇଥିଲେ। ତାଙ୍କର ସ୍ବତନ୍ତ୍ର କାର୍ଯ୍ୟଧାରା ପାଇଁ ସେ ବଙ୍ଗଳା ଚଳଚ୍ଚିତ୍ର ଇଣ୍ଡଷ୍ଟ୍ରୀରେ ବେଶ୍ ଲୋକପ୍ରିୟ ଥିଲେ। ନାୟିକା ସଙ୍ଗବାଦ, ଗଲ୍ପୋ ହୋଲିଓ ସୋତି, ଶ୍ରୀମାନ ପୃଥ୍ବୀରାଜ, ଚୁତି ହେଉଛି ମୃଣାଳଙ୍କ ଅଭିନୀତ କେତେକ ପ୍ରମୁଖ ଲୋକପ୍ରିୟ ବଙ୍ଗଳା ଚଳଚ୍ଚିତ୍ର। ସେ କେତେକ ବଲିଉଡ୍ ଫିଲ୍ମରେ ମଧ୍ୟ ଅଭିନୟ କରିଛନ୍ତି।
Comments are closed.