ମାଉଣ୍ଟ ସିନାବଙ୍ଗରେ ଜ୍ଵାଳାମୁଖୀ ବିସ୍ଫୋରଣ, ୫ କି.ମି. ଉଚ୍ଚକୁ ଉଠିଲା ଧୂଆଁ-ପାଉଁଶ
ଜାକର୍ତ୍ତା: ଇଣ୍ଡୋନେସିଆର ସବୁଠୁ ବିପଜ୍ଜନକ ଜ୍ଵାଳାମୁଖୀ ମାଉଣ୍ଟ ସିନାବଙ୍ଗରେ ମଙ୍ଗଳବାର ବିସ୍ଫୋରଣ ଘଟିଛି। ପ୍ରାୟ ୭ମାସ ପରେ ୨ୟ ଥର ଲାଗି ଏହି ଜ୍ଵାଳାମୁଖୀ ଫାଟିଛି। ଏହି ବିସ୍ଫୋରଣ ଫଳରେ ଧୂଆଁ-ପାଉଁଶ ପ୍ରାୟ ୫ କି.ମି. ଉଚ୍ଚକୁ ଉଠିଯିବା ସହିତ ଆକାଶରେ ଏକ ବହଳ ଆସ୍ତରଣ ଖେଳିଯାଇଥିଲା। ଗତବର୍ଷ ଅଗଷ୍ଟ ମାସରେ ଏହି ଜ୍ଵାଳାମୁଖୀ ବିସ୍ଫୋରଣ ଘଟିଥିଲା ବୋଲି ଇଣ୍ଡୋନେସିଆର ଭୋଲକାନୋଲୋଜି ସେଣ୍ଟର ପକ୍ଷରୁ କୁହାଯାଇଛି।
ଏହି ବିସ୍ଫୋରଣ ଯୋଗୁ କେହି ମୃତାହତ ହୋଇଛନ୍ତି କି ନାହିଁ ସେ ନେଇ କୌଣସି ସୂଚନା ମିଳିନାହିଁ। ଇଣ୍ଡୋନେସିଆର ଭୋଲକାନୋଲୋଜି ଆଣ୍ଡ ଜିଓଲୋଜିକାଲ ହାଜାର୍ଡ ମିଟିଗେଶନ ସେଣ୍ଟର ପକ୍ଷରୁ ଜ୍ଵାଳାମୁଖୀ ଫାଟିବା ନେଇ ସତର୍କ କରାଯିବା ସହିତ ଏହା ଆଖପାଖର ୩ କି.ମି. ଦୂର ଅଞ୍ଚଳରେ ରହୁଥିବା ଲୋକଙ୍କୁ ସୁରକ୍ଷିତ ସ୍ଥାନକୁ ଚାଲିଯିବାକୁ ନିର୍ଦେଶ ଦିଆଯାଇଥିଲା।
Comments are closed.