ଭ୍ରମଣ ଆମକୁ ମାନସିକ ଶାନ୍ତି ଦେଇଥାଏ

ମାନସିକ ଚାପ କମ୍ କରିବାକୁ ଚାହୁଁଥିଲେ କିମ୍ବା କିଛି ସମୟ ଶାନ୍ତିରେ ରହିବାକୁ ଚାହୁଁଥିଲେ, ସାଙ୍ଗସାଥି ହେଉ କିମ୍ବା ପରିବାରଲୋକଙ୍କ ସହ ଭ୍ରମଣ କରିବାକୁ ଯୋଜନା କରନ୍ତୁ। ଟେନ୍‌ସନ୍‌‌ କମ୍ କରିବାକୁ ଚାହୁଁଥିଲେ, ଭ୍ରମଣ ଏକ ସୁନ୍ଦର ଉପଚାର ବୋଲି ବିଶେଷଜ୍ଞଙ୍କ ମତ। କୌଣସି ମହାନଗରୀ ବୁଲିବାକୁ ଯୋଜନା କରିବା ପରିବର୍ତ୍ତେ ହିଲ୍‌-ଷ୍ଟେସନ୍‌ ଯିବା ଆମକୁ ମାନସିକ ଶାନ୍ତି ଦେଇଥାଏ। ସେଠାକାର ପ୍ରାକୃତିକ ସୌନ୍ଦର୍ଯ୍ୟ ଓ ସ୍ଥାନୀୟ ପରିବେଶ ହିଁ ମୁଖ୍ୟ ଆକର୍ଷଣ ପାଲଟିଥାଏ।

– ଇଣ୍ଟରନେଟ୍‌ରୁ ଖୋଜି ହ୍ରଦ ଥିବା ସ୍ଥାନ ଖୋଜିବା ସହ ୨-୩ଦିନ ନିମନ୍ତେ ହୋଟେଲ୍ ବୁକିଂ କରନ୍ତୁ।
– କାମର ଚାପରୁ ବାହାରି ବୁଲିବାକୁ ଯାଉଥିଲେ ପ୍ୟାକିଂ ଅଧିକ ନ କରି ବରଂ କମ୍ ପୋଷାକପତ୍ର ନେଇ ଯିବା ଉଚିତ।
–  ଯାତ୍ରା କରିବାର ସମୟ ଅଳ୍ପ ଥିଲେ, ଫ୍ଲାଇଟ୍‌ରେ ବୁକିଂ କରନ୍ତୁ। ନଚେତ୍ ରେଳରେ ଯାତ୍ରା କରିବାର ମଜା ମଧ୍ୟ ବେଶ୍ ନିଆରା ଅଟେ।
– ବିଭିନ୍ନ ଅନୁଧ୍ୟାନରୁ ପ୍ରମାଣିତ ହୋଇଛି ଯେ ପ୍ରତି ବର୍ଷ ୨ଥର ଅନ୍ତତଃ ଭ୍ରମଣ କରୁଥିବା ଲୋକ ଏକ ସୁସ୍ଥ ଜୀବନଶୈଳୀ ଅତିବାହିତ କରିଥାନ୍ତି।
– ଯାତ୍ରା ପୂର୍ବରୁ ନିଜ ଔଷଧପତ୍ର, ବିମାନ ଟିକଟ୍, ରେଳ ଯାତ୍ରା ଟିକଟ୍ ଇତ୍ୟାଦିକୁ ଭଲଭାବେ ତଦାରଖ କରି ରଖିବା ଉଚିତ। ନଚେତ୍ ଆପଣ ଯାତ୍ରା ସମୟରେ ଅସୁବିଧାର ସମ୍ମୁଖୀନ ହୋଇପାରନ୍ତି।

Comments
Loading...