ରାଜସ୍ଥାନରେ ବଢୁଛି ସ୍ୱାଇନ୍ ଫ୍ଲୁ ; ୮୦ ମୃତ, ୨ହାଜରରୁ ଅଧିକ ଚିକିତ୍ସିତ
ରାଜସ୍ଥାନ : ରାଜସ୍ଥାନରେ ସ୍ୱାଇନ୍ ଫ୍ଲୁ କୁ ନେଇ ଚଳିତ ବର୍ଷ ୮୦ରୁ ଊର୍ଦ୍ଧ୍ବ ଲୋକ ମୃତ୍ୟୁବରଣ କରିଥିବା ବେଳେ ୨ହଜାରରୁ ଅଧିକ ଲୋକ ଏହି ରୋଗରେ ଚିକତ୍ସିତ ହେଉଛନ୍ତି। ସୂଚନା ଅନୁସାରେ ଯୋଧପୁରରେ ଏହି ରୋଗରେ ଅଧିକ ଲୋକ ମୃତ୍ୟୁବରଣ କରିଛନ୍ତି। ରାଜସ୍ଥାନର ରାଜଧାନୀ ଜୟପୁରରେ ୮୩୮ ଜଣ ଏହି ରୋଗରେ ଚିକିତ୍ସିତ ହେଉଛନ୍ତି। ଏହି ଘଟଣାକୁ ନେଇ ସ୍ୱାସ୍ଥ୍ୟମନ୍ତ୍ରୀ ଡଃ ରଘୁ ଶର୍ମା ଗୁରୁବାର ବାଡମେର ଜିଲା ମୁଖ୍ୟ ଚିକିତ୍ସାଳୟରେ ଅଧିକାରୀଙ୍କୁ ପ୍ରାଥମିକ ଚିକିତ୍ସା ପାଇଁ ନିର୍ଦ୍ଦେଶ ଦେଇଛନ୍ତି। ଏ ନେଇ ମନ୍ତ୍ରୀଙ୍କ କହିବା ଅନୁସାରେ ସ୍ୱାସ୍ଥ୍ୟ ବିଭାଗ ସ୍ୱାଇନ୍ ଫ୍ଲୁ ରୋକିବା ପାଇଁ ସଜାଗ ରହିଛି, କେବଳ ଲୋକମାନଙ୍କ ମଧ୍ୟରେ ସଚେତନତା ସୃଷ୍ଟି କରିବା ଆବଶ୍ୟକ ଦରକାର। ସେ ଆହୁରୀ କହିଛନ୍ତି ସମସ୍ତ ଜିଲା ମୁଖ୍ୟଚିକିତ୍ସାଳୟରେ ସ୍ୱାଇନ୍ ଫ୍ଲୁ ଚିକିତ୍ସା ପାଇଁ ସ୍ୱତନ୍ତ୍ର ବ୍ୟବସ୍ଥା କରାଯାଇଛି। ସମସ୍ତ ଅଧୀକାରୀ ନିଜର ସ୍ଥାନୀୟ ଅଞ୍ଚଳରେ ସ୍ୱାଇନ୍ ଫ୍ଲୁର କୌଣସି ଲକ୍ଷଣ ଦେଖିଲେ ତୁରନ୍ତ ଚିକିତ୍ସା କରିବାକୁ ନିର୍ଦ୍ଦେଶ ଦିଆଯାଇଛି।