ଆଜି ‘ମୁନ୍‌ ଡେ’

ଆଜି ‘ମୁନ୍‌ ଡେ’ ବା ଚନ୍ଦ୍ର ଦିବସ। ୧୯୬୯ ମସିହା ଆଜିର ଦିନରେ ଆମେରିକୀୟ ମହାକାଶଚାରୀ ନିଲ୍‌ ଆର୍ମଷ୍ଟଙ୍ଗ୍ ପ୍ରଥମ ମାନବ ଭାବେ ଚନ୍ଦ୍ରପୃଷ୍ଠରେ ପାଦ ଦେଇ ଇତିହାସ ସୃଷ୍ଟି କରିଥିଲେ। ସେ ଓ ତାଙ୍କ ସାଥୀ ଏଡ଼ୱିନ ଇ ଆଲ୍‌ଡ୍ରିନ୍ କଲମ୍ବିଆରୁ ଓହ୍ଲାଇ ଚନ୍ଦ୍ରପୃଷ୍ଠରେ ଚାଲିଥିଲେ। ସେ ଚନ୍ଦ୍ରପୃଷ୍ଠରେ ପାଦ ଦେବାକ୍ଷଣି ଯାହା କହିଥିଲେ, ତାକୁ ବିଶ୍ବର ୬୦୦ ନିୟୁତ ଲୋକ ଟିଭିରେ ଶୁଣିଥିଲେ। ତାଙ୍କର ସେହି ଉକ୍ତିଟି ଥିଲା: ‘‘ଏହା ମଣିଷ ପାଇଁ ଗୋଟିଏ ଛୋଟ ପଦକ୍ଷେପ, ମାନବଜାତି ପାଇଁ ଏକ ବଡ଼ ଲମ୍ଫ।’’

କଲମ୍ବିଆ ମହାକାଶଯାନର ପାଇଲଟ୍‌ ଏୟାର୍‌ଫୋର୍ସ ଲ୍ୟୁଟ୍‌ନାଣ୍ଟ୍‌ କର୍ଣେଲ୍‌ ମାଇକେଲ୍‌ କଲିନ୍ସ ଚନ୍ଦ୍ର ଚାରିପାଖରେ ଯାନଟିକୁ ପରିଭ୍ରମଣ କରାଇବା ସମୟରେ ଆର୍ମଷ୍ଟଙ୍ଗ୍ ଓ ଆଲ୍‌ଡ୍ରିନ ସେମାନଙ୍କର ପରୀକ୍ଷାନିରୀକ୍ଷା ଜାରି ରଖିଥିଲେ। ସେମାନେ ଚନ୍ଦ୍ରପୃଷ୍ଠର ମାଟି, ପାହାଡ଼ ଓ ଅନ୍ୟ ସ୍ଥିତିଗୁଡ଼ିକର ତଥ୍ୟ ସଂଗ୍ରହ କରୁଥିଲେ। ସେମାନଙ୍କର ଏହି ତଥ୍ୟ ଭବିଷ୍ୟତର ଚନ୍ଦ୍ର ସମ୍ପର୍କିତ ଗବେଷଣାକୁ ଅଧିକ ଉନ୍ନତ କରିବାରେ ସାହାଯ୍ୟ କରିଥିଲା। ଆପୋଲୋ ୧୧ ମିଶନ ୮ ବର୍ଷ ପରେ ସମାପ୍ତ ହୋଇଥିଲା।

Comments
Loading...