ଗୃହ ଏବଂ ସହରାଂଚଳ ବ୍ୟାପାର ମନ୍ତ୍ରଣାଳୟ ଏହାର ଇ-କମର୍ସ ପ୍ଲାଟଫର୍ମରେ ଷ୍ଟ୍ରିଟ୍ ଫୁଡ୍ ବିକ୍ରେତାମାନଙ୍କ ଦ୍ୱାରା ପ୍ରସ୍ତୁତ ଖାଦ୍ୟ ଯୋଗାଇ ଦେବା ଉଦ୍ଦେଶ୍ୟରେ ଅଗ୍ରଣୀ ଖାଦ୍ୟ ବିତରଣ ପ୍ଲାଟଫର୍ମ ସ୍ୱିଗି ସହିତ ଚୁକ୍ତି କରିଛନ୍ତି। ଗ୍ରାହକଙ୍କୁ ଅନଲାଇନ୍ ମାଧ୍ୟମରେ ଏହି ଖାଦ୍ୟ ଯୋଗାଇବା ସହ ସେମାନଙ୍କ ବ୍ୟବସାୟ ବୃଦ୍ଧି କରିବାରେ ଏହି ପଦକ୍ଷେପ ସହାୟକ ହେବ ବୋଲି କୁହାଯାଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଷ୍ଟ୍ରିଟ ଭେଣ୍ଡର ଆତ୍ମନିର୍ଭର ନିଧି ଯୋଜନା ଅଧୀନରେ ଏହି ବ୍ୟବସ୍ଥା କରାଯାଇଛି।
ପାଞ୍ଚଟି ସହର ଅହମ୍ମଦାବାଦ, ଚେନ୍ନାଇ, ଦିଲ୍ଲୀ, ଇନ୍ଦୋର ଏବଂ ବାରାଣାସୀରେ ଅଗ୍ରାଧିକାର ଭିତ୍ତିରେ ଏହି ସେବା ଆରମ୍ଭ କରାଯାଇଛି ଓ ଏଥିରେ ୨୫୦ ଜଣ ରାସ୍ତାକଡ ବିକ୍ରେତାଙ୍କୁ ସାମିଲ କରାଯାଇଛି। ଏହି ଯୋଜନା ଅଧୀନରେ ରାସ୍ତାକଡ ବିକ୍ରେତାମାନଙ୍କୁ ପଞ୍ଜୀକରଣ, ଟେକ୍ନୋଲୋଜି ଉପରେ ତାଲିମ, ମେନୁ ଡିଜିଟାଇଜେସନ୍ ଏବଂ ମୂଲ୍ୟ ନିର୍ଦ୍ଧାରଣ ସହିତ ସ୍ୱଚ୍ଛତା ଏବଂ ପ୍ୟାକେଜିଂ ଅଭ୍ୟାସ ଦିଗରେ ତାଲିମ ଦିଆଯିବ। ପାଇଲଟ୍ କାର୍ଯ୍ୟକ୍ରମର ସଫଳତା ପରେ ସାରା ଦେଶରେ ପର୍ଯ୍ୟାୟକ୍ରମେ ଏହା କାର୍ଯ୍ୟକାରୀ କରାଯିବ।
Comments are closed.