ମୋହନା: ଗଜପତି ଜିଲ୍ଲା ଆରକ୍ଷୀ ଅଧିକ୍ଷକ ତପନ କୁମାର ପଟ୍ଟନାୟକଙ୍କ ନିର୍ଦ୍ଦେଶକ୍ରମେ ଅଡବା ଥାନା ଅଧିକାରୀ ଆନନ୍ଦ ଚନ୍ଦ୍ର ପାତ୍ରଙ୍କ ତତ୍ତ୍ଵବଧାନରେ ଏସଆଇ ରବିନ୍ଦ୍ର ନାରାୟଣ ପାତ୍ର, ଜନ ଶବର ଓ କର୍ମଚାରୀ ମିଳିତଭାବେ ଗୁଲୁବା ଅଞ୍ଚଳରେ ଦିନବେଳା ପେଟ୍ରୋଲିଙ୍ଗ କରୁଥିବା ବେଳେ ଏକ ଟାଟା ୪୦୭ ଗାଡିକୁ ଉକ୍ତ ପଞ୍ଚାୟତ ଅଧିନ ଗାଲି ମେରା ଗ୍ରାମ ନିକଟରେ ସନ୍ଦେହଜନକ ଭାବେ ଦେଖି ଗାତିକୁ ଅଟକାଇ ଥିଲେ। ଗାତିକୁ ଯାଞ୍ଚ କରିବା ସମୟରେ ଗାଡିର ପଛ ପଟୁ ଜରି ବସ୍ତାରେ ଗଞ୍ଜେଇ ଥିବା ଦେଖିବାକୁ ପାଇଥିଲେ । ମୋହନା ତହସିଲଦାର ସାରଦା ପ୍ରଶନ୍ନ ପଣ୍ଡାଙ୍କ ଉପସ୍ଥିତିରେ ଓଜନ କରିବାରୁ ତାହା ୮ଶହ ୫୦ କିଲୋ ୭୦୦ଗ୍ରାମ ହୋଇଥିଲା ।
ଗଞ୍ଜେଇ ଗୁଲୁବା ଅଞ୍ଚଳରୁ ସଂଗ୍ରହୀତ ହୋଇ ଝାଡଖଣ୍ଡ ଅଞ୍ଚଳକୁ ଚୋରା ଚାଲାଣ ହେଉଥିଲା। ଏହି ଟାଟା ଗାତିରେ ୨ ଟି ନମ୍ବର ପ୍ଳେଟ ବ୍ୟବହାର କରାଯାଉଥିଲା। ଗୋଟିଏ ନମ୍ବର ଝାଡଖଣ୍ଡର ଥିବାବେଳେ ଅନ୍ୟଟି ଓଡ଼ିଠ୨ଏବିଠ୧୩୩ କୁ ବ୍ୟବହାର କରାଯାଉଥିଲା। ଏହି ଗଞ୍ଜେଇ ଚୋରା ଚାଲାଣରେ ସଂପୃକ୍ତ ଥିବା ଅଡବା ଥାନା ଅଞ୍ଚଳ ଲକ୍ଷ୍ମୀପୁର ଗ୍ରାମର ୩ ଜଣ ହେଲେ ଆବେଲୁ ଲିମା(୪୫) . ସୁଧିର ଲିମା(୨୧) ,ସୁମନ୍ତ ମାଝୀ(୨୦) ଓ ଝାଡଖଣ୍ଡ ଅଞ୍ଚଳର ବାସ୍କକାଲି ଆନସାରି(୫୫) ଏ ସମସ୍ତ ମାଫିଆଙ୍କୁ ଗିରଫ କରାଯିବା ସହ ଗାଡିକୁ ଜବତ କରି ସମସ୍ତ ଅଭିଯୁକ୍ତଙ୍କୁ ରା. ଉଦୟଗିରି କୋର୍ଟରେ ହାଜର କରାଯାଇଥିବା ଥାନା ପକ୍ଷରୁ ସୂଚନା ମିଳିଛି।
Comments are closed.