ପିଆଜ ବୋଝେଇ ଟ୍ରକ୍‍ରୁ ମିଳିଲା ୧୦ କ୍ୱିଣ୍ଟାଲ୍‍ ଗଞ୍ଜେଇ

ମୋହନା: ଗଜପତି ଏସ୍‍ପିଙ୍କର ନିର୍ଦେଶକ୍ରମେ ତଥା ଏସ୍‍ଡିପିଓ ଆର୍‍ ଉଦୟଗିରିଙ୍କର ପ୍ରତ୍ୟକ୍ଷ ତତ୍ତ୍ୱାବଧାନରେ ମୋହନା ଥାନା ଅଧିକାରୀ ସୁଜିତ୍‍ କୁମାର ନାୟକ ଚାନ୍ଦିପୁଟ ଓ ଲୁହଗୁଡ଼ି ମଧ୍ୟରେ ପାଟ୍ରୋଲିଂ କରୁଥିବା ସମୟରେ ଏକ ୧୪ ଚକିଆ ପିଆଜ ବୋଝେଇ ଟ୍ରକ୍‍କୁ ଅଟକାଇ ଯାଞ୍ଚ କରିଥିଲେ। ସେହି ଟ୍ରକ୍‍ ଯାଞ୍ଚ ସମୟରେ ପିଆଜ ବସ୍ତା ତଳେ ଗଞ୍ଜେଇ ଭର୍ତ୍ତି ୩୮ବସ୍ତା ପ୍ଲାଷ୍ଟିକ ଜରି ବ୍ୟାଗ୍‍ରେ ଗଞ୍ଜେଇ ରହିଥିବା ଦେଖିବାକୁ ମିଳିଥିଲା; ଯାହାର ଓଜନ ୧୦କ୍ୱିଣ୍ଟାଲ୍‍ ୫୭ କିଗ୍ରା ବୋଲି ଜଣାପଡ଼ିଛି। ଜବତ ହୋଇଥିବା ଗଞ୍ଜେଇର ବଜାରରେ ଆନୁମାନିକ ମୂଲ୍ୟ ୫୦ଲକ୍ଷ ହେବ ଏ ସଂକ୍ରାନ୍ତରେ ମୋହନ ଥାନାରେ କେସ୍‍ ନମ୍ବର ୧୨୦/୨୦ ରୁଜୁ କରାଯାଇଛି ଏବଂ ଗଞ୍ଜେଇ ପରିବହନ କରୁଥିବା ଟ୍ରକ୍‍ ଓଆର୍‍୧୪ଡବ୍ଲ୍ୟୁ ୭୨୭୭କୁ ଜବତ କରାଯାଇଛି। ରାଉରକେଲା ଅଞ୍ଚଳର ନିକିଲ୍‍ କୁମାର ଓ ଅନୁରାଗ କୁମାର ଉକ୍ତ ଗଞ୍ଜେଇ ଭର୍ତ୍ତି ଟ୍ରକ୍‍କୁ ଆର୍‍ ଉଦୟଗିରିରୁ ବନାରସ ଟ୍ରାନ୍ସପୋର୍ଟ କରୁଥିବା ସମୟରେ ତାହା ପୁଲିସ ହାତରେ ଧରା ପଡ଼ିଥିଲେ। ଆଜି ଉକ୍ତ ଦୁଇଜଣଙ୍କୁ କୋର୍ଟ ଚାଳାଣ କରାଯାଇଛି ବୋଲି ମୋହନା ପୁଲିସ ସୂଚନା ଦେଇଛି।

Comments
Loading...