ମୋହନା : ଗଜପତି ଜିଲ୍ଲା ମୋହନା ବ୍ଲକର ୩୯ଟି ପଞ୍ଚାୟତ ପାଇଁ ମାତ୍ର ଗୋଟିଏ ଆଧାର କାର୍ଡ କେନ୍ଦ୍ର ଷ୍ଟେଟ ବ୍ୟାଙ୍କ କାର୍ୟ୍ୟାଳୟ ମଧ୍ୟରେ ରହିଛି । ପୂର୍ବରୁ ଦୁଇଟି ସ୍ଥାନରେ ହେଉଥିଲା ଆଧାର କାର୍ଡ ସଂଶୋଧନ ଓ ନୂତନ ଆଧାର କାର୍ଡ ନିମନ୍ତେ ଆବେଦନ । ବିଜୁ କଲ୍ୟାଣ ମଣ୍ଡପ ଓ ଷ୍ଟେଟ ବ୍ୟାଙ୍କରେ ହେଉଥିବା ଆଧାର କାର୍ୟ୍ୟାଳୟ ମଧ୍ୟରୁ ଏବେ କିଛି ମାସ ହେଲା ବିଜୁ କଲ୍ୟାଣ ଆଧାର କେନ୍ଦ୍ର ବନ୍ଦ ରହିଛି। କେବଳ ଷ୍ଟେଟ ବ୍ୟାଙ୍କ ପରିସରରେ ହିଁ ଚାଲିଛି ଆଧାର କେନ୍ଦ୍ର । ଜନ ସାଧାରଣଙ୍କ ପାଇଁ ଏବେ ବିଭିନ୍ନ ନ ସମୟରେ ଆଧାର କାର୍ଡ ସଂଯୋଗ ନିଆତି ଆବଶ୍ୟକ ଥିବା ବେଳେ ଲୋକେ ସକାଳ ୭ଟାରୁ ଆସି ଲମ୍ବା ଧାଡିରେ ମୁଖ୍ୟ ରାସ୍ତା ଠାରୁ ବ୍ୟାଙ୍କ ପର୍ୟ୍ୟନ୍ତ ବହୁ ସମୟ ଧରି ଛିଡା ହୋଇ ରହୁଛନ୍ତି । ବ୍ୟାଙ୍କର ନିୟମ କରାଯାଇଛି ଦିନକୁ ୨୦ଟି ହଁ ଆଧାର କାର୍ଡ ସଂଶୋଧନ କିମ୍ବା ନୂତନ କାର୍ଡ କରାଯିବ। ହେଲେ ପ୍ରତ୍ୟେକ ଦିନ ୫୦ରୁ ଉର୍ଦ୍ଧ୍ଵ ଲୋକ ଦୂର ଦୁରାନ୍ତରରୁ ଆସି ବହୁ ସମୟ ଅପେକ୍ଷା କରି ନିରାଶ ହୋଇ ଫେରୁଥିବା ଦେଖିବାକୁ ମିଲୁଛି। ତେଣୁ ଜିଲ୍ଲା ପ୍ରଶାସନ ଓ ବ୍ୟାଙ୍କ ପ୍ରଶାସନ ଏଥି ପ୍ରତି ଦୃଷ୍ଟି ଦେଇ ଅଧିକା ଆଧାର କେନ୍ଦ୍ର ଖୋଲିଲେ ଅଞ୍ଚଳ ଲୋକଙ୍କ ସମସ୍ୟା ସମାଧାନ ହୋଇପାରିବ ବୋଲି ଅଞ୍ଚଳ ବାସୀ ଅନୁରୋଧ କରିଛନ୍ତି।
Comments are closed.