ମୋହନା : ଗଜପତି ଜିଲ୍ଲା ମୋହନା ବ୍ଲକର ମୋହନା ସହରରେ ପ୍ରତ୍ୟେକ ଦିନ ରାତି ପାହିଲେ ପଲ ପଲ ଗାଈ , ଗୋରୁ ମୁଖ୍ୟ ରାସ୍ତା, ସାହି ଗଳି କନ୍ଦିରେ ବୁଲିବା ସହ ଘଣ୍ଟା ଘଣ୍ଟା ଧରି ଶୋଇ ରହୁଛନ୍ତି । ଯାହାଫଳରେ ଟ୍ରାଫିକ ସମସ୍ୟା ଦେଖାଦେବା ସହ ଦୁର୍ଘଟଣା ମଧ୍ୟ ଘଟୁଛି। ରାତିରେ ଜାତୀୟ ରାଜପଥ ୩୨୬କୁ ଅବରୋଧ କରି ଶୋଇଥାନ୍ତି। ଏଣୁ ବହୁ ସମୟ ଲୋକେ ଦୃର୍ଘଟଣାର ଶିକାର ହେଉଛନ୍ତି । ଗତ ଦୁଇ ଦିନ ତଳେ ଲଘୁଚାପ ବର୍ଷାରେ ଗାଈ, ଗୋରୁ ମାନେ ବର୍ଷା ଦାଉରୁ ରକ୍ଷା ପାଇବା ପାଇଁ ମୋହନା ବ୍ଲକ କାର୍ଯ୍ୟାଳୟ ଭିତରେ ବହୁ ସମୟ ଧରି ପଶି ରହିଥିଲେ। ଏହି ସମସ୍ୟାକୁ ନେଇ ବାରମ୍ବାର ଜିଲ୍ଲାପାଳଙ୍କ ଅଭିଯୋଗ ଶୁଣାଣିରେ ମୋହନା ମହାରାଜା କୃଷ୍ଣଚନ୍ଦ୍ର ଗଜପତି ଯୁବକ ସଂଘ ପକ୍ଷରୁ ଲିଖିତ ଦାବୀ ପତ୍ର ଦିଆଯାଇଛି। ତଥାପି ସୁଫଳ ମିଳୁନି। ଏଣୁ ପ୍ରଶାସନ ପକ୍ଷରୁ ମୋହନାରେ ଏକ କାଞ୍ଜିଆ ହୁଦା ନିର୍ମାଣ କରିବା ପାଇଁ ସ୍ଥାନିୟ ବାସିନ୍ଦା ଦାବି କରିଛନ୍ତି। ଆଜିକୁ ଦୀର୍ଘ ବର୍ଷ ବିତିଲାଣି କୌଣସି ସୁଫଳ ମିଳିନି କି ନିର୍ମାଣ ହୋଇପାରୁନି କାଞ୍ଜିଆ ହୁଦା । ଅପରପକ୍ଷେ ଗାଇ, ଗୋରୁ ରଖିଥିବା ମାଲିକ ମାନେ କ୍ଷୀର ଦୁହିଁବା ପରେ ଛାଡି ଦିଅନ୍ତି ପୋଶା ଜନ୍ତୁଙ୍କୁ । ରାସ୍ତା ଘାଟରେ ଆଗରୁ ଅନେକ ଥର ଯୁବ ଗୋଷ୍ଠୀ ରାତିରେ ଗାଈ ମାନଙ୍କୁ ଓଡ଼େଇ ନେଇ ରାତିରେ ଖାଇବାକୁ ଦେଇ ରଖିଥିଲେ । ଯେଉଁ ମାନଙ୍କ ଗାଈ ସେମାନେ ପଞ୍ଚାୟତକୁ ଜରିମାନା ଦେଇ ଗାଈ, ଗୋରୁ ନେବେ । ଏହା ସହ ବଜାର କିମ୍ବା ରାସ୍ତାକୁ ଗାଈ ଛାଡିବେ ନାହିଁ ବୋଲି କୁହାଯାଇଥିଲା ତାହାକୁ ମଧ୍ୟ କିଛି ଆସାଧୁ ଗାଈ ମାଲିକ ବିରୋଧ କରି ପୁଣି ରାସ୍ତା ଉପରକୁ ଗାଈ ଛାଡ଼ୁଛନ୍ତି। ତେଣୁ ଜିଲ୍ଲା ପ୍ରଶାସନ ତୁରନ୍ତ ଏଥି ପ୍ରତି ଦୃଷ୍ଟି ଦେଇ ମୋହନା ଠାରେ ଏକ କାଞ୍ଜିଆ ହୁଦା ନିର୍ମାଣ କରିବା ସହ ଗାଈ ମାଲିକ ପ୍ରତି ଦୃଡ଼ ପଦକ୍ଷେପ ନେବା ପାଇଁ ଗ୍ରାମ ବାସୀ ଦାବି କରିିଛନ୍ତି।
Comments are closed.