ମୋହନା ପଞ୍ଚାୟତ ପକ୍ଷରୁ ଡଷ୍ଟବିନ ବଣ୍ଟନ

ମୋହନା : ମୋହନା ଗ୍ରାମ ପଞ୍ଚାୟତ ପକ୍ଷରୁ ମୋହନା ସହରକୁ ସରସ ସୁନ୍ଦର କରିବା ପାଇଁ ସ୍ୱଚ୍ଛ ଭାରତ ଅଭିଯାନ ଆନୁକୁଲ୍ୟରେ ୪୦ଟି ଡଷ୍ଟବିନ୍‍ ମୋହନା ସହରର ପିଡବ୍ଲ୍ୟୁଡି ଛକ ଠାରୁ ପାଣ୍ଡାଛକ ପର୍ଯ୍ୟନ୍ତ ବିଭିନ୍ନ ବ୍ୟବାସୟୀଙ୍କ ଦୋକାନ ସମ୍ମୁଖରେ ରଖାଯାଇଛି। ଜନସାଧାଣଙ୍କୁ ଡଷ୍ଟବିନର ବ୍ୟବହାର ସମ୍ପର୍କରେ ସଚେତନତା କରିବା ସହ ଆପଣଙ୍କ ସେବାରେ ଏହାକୁ ବ୍ୟବହାର କରିବା ପାଇଁ ପଞ୍ଚାୟତ ପକ୍ଷରୁ ନିବେଦନ କରାଯାଇଥିଲା। ଏହି ଡଷ୍ଟବିନ ଗୁଡିକ ବିତରଣ କରିବା ସମୟରେ ସ୍ଥାନୀୟ ସରପଞ୍ଚ ଶେଖର କୁମାର ମଳିକ, ପଞ୍ଚାୟତ ନିର୍ବାହୀ ଅଧିକାରୀ ପ୍ରଭାକର ପ୍ରଧାନ, ସମିତି ସଭ୍ୟ ଯୁନେଶ ଶବର ସମସ୍ତ ୱାର୍ଡ ସଭ୍ୟ/ସଭ୍ୟା ଉପସ୍ଥିତ ଥିଲେ। ଅପରପକ୍ଷେ ହାଇସ୍କୁଲ ଛକ ଠାରେ ରହିଥିବା ବ୍ୟବସାୟୀମାନଙ୍କୁ ଡଷ୍ଟବିନ ପ୍ରଦାନ କରାଯାଇ ନ ଥିବାରୁ ବ୍ୟବସାୟୀଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି। ଏଣୁ ତୁରନ୍ତ ଉକ୍ତ ସ୍ଥାନ ଗୁଡିକରେ ଡଷ୍ଟବିନ ରଖିବା ପାଇଁ ଦାବି ହୋଇଛି।

Comments are closed.