ନୂଆଦିଲ୍ଲୀ : ଦ୍ବିତୀୟ ଥର ପାଇଁ କେନ୍ଦ୍ରରେ ସରକାର ଗଠନ କରିଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପ୍ରତି ନିଜର ସମର୍ଥନ ଜାହିର କରିବା ନିମନ୍ତେ ବିହାରର ମୁଜାଫରପୁର ନିବାସୀ ଅଶୋକ ଦିଲ୍ଲୀରେ ଚା ବିକ୍ରି କରିଛନ୍ତି। ମୋଦୀ ଯେଉଁ ସବୁ ସ୍ଥାନରେ ଜନ ସମାବେଶ କରିଥିଲେ ସେଠାରେ ସେ ଚା’ ବିକ୍ରି କରିଛନ୍ତି। ମୋଦୀଙ୍କ ଶପଥ ଗ୍ରହଣ ଉତ୍ସବ ସମାପ୍ତ ହେବା ପର୍ଯ୍ୟନ୍ତି ସେ ଚା ବିକିବା ଜାରି ରଖିଥିଲେ। ସେହିଭଳି ବିଜେପିର କିଛି କର୍ମୀ ଇନ୍ଦୋରଠାରେ ମୋଦୀଙ୍କ ଶପଥ ଗ୍ରହଣ ଉତ୍ସବ ପାଳନ ନିମନ୍ତେ ସାଧାରଣ ଲୋକଙ୍କ ଜୋତା ପଲିସ କରିଛନ୍ତି। ବିଜେପି କାଉନସିଲର ସଞ୍ଜୟ କଟାରିଆଙ୍କ ନେତୃତ୍ବରେ ଏକ ଦଳ ରାଡିସନ ଚୌକଠାରେ ପଥାଚାରୀମାନଙ୍କ ଜୋତା ପଲିସ କରିଛି। କଟାରିଆ କହିଛନ୍ତି କୌଣସି କାମ ଛୋଟ ନୁହେଁ ବୋଲି ମୋଦୀ ସର୍ବଦା କୁହନ୍ତି। ଏଣୁ ସେ ନିଜେ ମଧ୍ୟ ଲୋକଙ୍କ ଜୋତା ସଫା କରିବାକୁ ପଛେଇ ନାହାନ୍ତି। ଏଥିସହ ସେ ଭିଆଇପି ସଂସ୍କୃତିର ମଓ୍ୟ ସମାପନ କରିଛନ୍ତି।
Comments are closed.